May the force be with you-episode 7-ટુમોરો નેવર ડાઈસ

શોક લગા? અમને પણ. સ્ટાર વોર્સ સીરીઝ તો પતિ ગઈ હતી ને? જ્યોર્જ લુકાસ એ ચોખ્ખું કહી દીધું હતું કે મારે જે કહેવું હતું એ બધું જ છ ફિલ્મો માં કહેવાઈ ગયું છે અને હવે કોઈ નવી મુવી આવશે નહિ. પણ તોય આ લખાય છે ત્યારે સ્ટાર વોર્સ ના લેટેસ્ટ ઇન્સ્ટોલમેન્ટ “ધ ફોર્સ અવેકન્સ” નો પ્રિવ્યુ શો યોજાઈ ચુક્યો છે અને આ વંચાતું હશે ત્યારે ઘણા લોકોએ આ ફિલ્મ જોઈ પણ લીધી હશે. ભલે જ્યોર્જ લુકાસ નું આમાં કોઈ ઇન્વોલ્વમેન્ટ નથી. તોય આપણને શોક તો લાગે જ ને!! કે એક ફિલ્મમેકર હોવા છતાં ય એ રાજકારણી ની જેમ ફરી ગયો? અને ફરી પાછો એક નવી ફિલ્મ લઇ ને આવે છે!!

લઇ ને આવે જ. કેમકે સ્ટાર વોર્સ ની એ વાર્તા ખાલી એનાકીન સ્કાયવોકર ની જ હતી, અને એના મૃત્યુ સાથે પૂરી થઇ. પણ સ્ટાર વોર્સ ની ગેલેક્સી નો અંત નથી થયો. એ તો હજી ચાલે છે, હજી એમાં કૈક થાય છે. લ્યુક, લિયા, હાન સોલો અને ચ્યુબાકા તો હજી જીવે છે. તો શું એના સાથે બનતી ઘટનાઓ બંધ થઇ ગઈ? ના એ ફિલ્મો માં એની વાર્તા ક્યાય નથી કહેવાઈ, પણ એની પોતાની પણ વાર્તા છે. જે કદાચ કહેવાની બાકી છે. આવું માત્ર સ્ટાર વોર્સ માં જ નથી, એના માનસ ભાઈ એવા હેરી પોટર સાથે પણ આવું થઇ રહ્યું છે. જે કે રોલિંગ એ ખુદ ના પાડ્યા પછી “હેરી પોટર એન્ડ ધ કર્સડ ચાઈલ્ડ” નાં નામે એક નવું નાટક લઇ ને આવે છે. જેમાં હેરી અને એના બાળક સેવેરસ આલ્બસ પોટર ની વાર્તા છે. કેમ? કેમ કે હેરી પોટર ની સીરીઝ હેરી vs લોર્ડ વોલ્ડેમોર્ટ ના જંગ ની હતી. એ સિવાય પણ ઘણું હોઈ શકે છે. જે (અગેઇન) કહેવાનું બાકી છે, અને એ વાર્તા કહેવાની ખજવાળ ખુદ સર્જકો પણ નથી રોકી શક્યા.

પણ વેઇટ! વ્હોટ અબાઉટ એક્સપાંડેડ યુનિવર્સ? એમાં પણ ઘણી બધી વાર્તા ઓ છે. આ જ સીરીઝ ના છેલ્લા એપિસોડ માં જોયું એમ સ્ટાર વોર્સ નું (હવે ભૂતપૂર્વ એવું) એક્સપાંડેડ યુનિવર્સ હજારો વર્ષ કવર કરે છે. અને હેરી પોટર ના પણ ફેન ફિક્શન લખાયા છે. એનું શું? વેલ ઓફિશિયલી કહીએ તો હેરી પોટર તો એક્સ્પાંડ થઇ રહ્યું છે. પણ ડીઝની એ સ્ટાર વોર્સ ના એક્સ્પાંડેડ યુનિવર્સ ને “લેજેન્ડ્સ” ના નામે લગભગ રીટાયર કરી દીધું છે. પણ તોય ફરી ફરી ને એક જ સવાલ થાય છે, (કમર્શિયલ કારણ બાદ કરતા) આ બધું ફરીવાર, પુનર્જીવિત કરવાનો મતલબ શું? આપણી વાર્તા તો પૂરી ના થઇ ગઈ?

[સ્પોઈલર એલર્ટ: આગળ ગમે ત્યાં લખેલું ગમે તે, સ્ટાર વોર્સ કે અહી વાત કરેલી ફિલ્મ જોવાની તમારી મજા બગડી શકે છે. આગળ તમારા જોખમે વધવા વિનંતી]

ના, કથા તો પૂરી નથી થઇ. વેદ ભલે સામાન્ય નોકરિયાત માંથી સ્ટોરી ટેલર થઇ ગયો. તનુ ના મનુ સાથે લગ્ન થઇ ગયા. લોર્ડ વોલ્ડેમોર્ટ બુરે હાલે મર્યો. ગોથામ માં શાંતિ થઇ ગઈ અને બ્રુસ વેઇન ઇટલી માં આરામ કરે છે. પણ આ તો એક ઘટના પૂરી થઇ. એ લોકો ના જીવન નહિ. અને આ એક ઘટના એની સાથે સંકળાયેલા કેટલા ય લોકો ના જીવન માં જબરી ઉથલ પાથલ કરતી ગઈ હશે. જસ્ટ વિચારો શું થતું હશે લ્યુક સાથે જયારે એને ખબર પડી જાય કે મેઈન વિલન લોર્ડ વેડર જ એનો બાપ છે? લોકો શું વિચારતા હશે, કે આપણા હીરો નો બાપ જ મેઈન વિલન હશે? હાન સોલો માટે પછી ની જીન્દગી કેવી હશે? એક ચીલાચાલુ સ્મગલર અચાનક જ બળવાખોરો સાથે જોડાય છે અને અચાનક જ એક સુંદર રાજકુમારી સાથે લગ્ન કરી લે છે અને આખી ગેલેક્સી માટે લડતો જનરલ બની જાય છે, આ સફર કેવી હશે એના માટે?

કે શું આવડું મોટું અને ક્રૂર એમ્પાયર મુઠ્ઠી ભર બળવાખોરો એને બે બે વાર હરાવી જાય એ સહન કરી લેતું હશે? શું પોતાના પાપ નું બીલ એ રીબેલ્સ ના નામે નહિ ફાડે? અને રહી સહી બધી તાકાત એ રીબેલ્સ ના ખાત્મા માટે નહિ લગાડે? લગાડશે જ!! એમાં વર્ષો વિતી શકે, હીરોઝ ની પેઢી ઓ બદલાઈ શકે, આવડી મોટી ગેલેક્સી ઉપર કબજો મેળવવા રીબેલ્સ અને એમ્પાયર વચ્ચે જંગ પણ ખેલાઈ શકે. અને આ આસપાસ ફોર્સ એનું કામ કરવાનું ચૂકતી જ નથી, સીથ અને જેડ્ડાઈ નું બેલેન્સ હજી નથી આવ્યું, એક જેડ્ડાઈ નામે લ્યુક સ્કાય્વોકર હજી જીવે છે. એને ખતમ કરવા એક સીથ ને તો આવવું જ પડે.લ્યુક ને હેરાન કરવો પડે, એને ચેલેન્જ કરવી પડે. આ બધા વિષે, નવી પેઢી ના હીરોઝ વિષે કોઈ વાર્તા તો હશે જ.

युद्धस्य कथा: रम्या: પણ યુદ્ધ પછી પણ કૈક હોય છે. જે સિતમખોર રાજા કે સામ્રાજ્ય ને હરાવ્યા હોય એના સિતમ હજી પુરા નથી થયા. પ્રજા માટે તો ખાલી રાજા જ બદલાય છે. એક પાપ ને સહન કરતા કરતા અને એની સામે લડતા લડતા કદાચ લોકો એનાથી પણ વધારે પાપી બની જાય છે. અને પછી એજ જુના ખેલ નવા નામે કરે છે. આવી બધી છાપ ભૂંસવી પણ પડે, એનાથી સારા પણ થવું પડે. અને જો એ ના થયું તો ફરી એક બળવો. બીજું એક યુદ્ધ અને હજી નવી સિકવલ.

આને આ યુદ્ધ માં જે લડ્યા હોય એ પોતે (કદાચ ફિઝીકલી) અને ઈમોશનલી એવા નિચોવાઈ ગયા હોય છે કે કદાચ એ સ્વસ્થ રીતે યુદ્ધ ની ફર્સ્ટ હેન્ડ કથા કહી જ ન શકે. એ પોતે જે કઈ કહે એ લોકો સાચું ન જ માને, ઉપર થી કોઈ ની સારા તરીકે ની છાપ કે કોઈ ની ખરાબ તરીકે ની છાપ એટલી વચ્ચે આવે કે આ વાત મારા તમારા સુધી પહોચતા મારી મસાલા વગર ના સાદા સલાડ નું મિક્સ ઊંધિયું થઇ જાય. કોઈ અમેરિકન સૈનિક હિટલર ના સારા વર્તાવ ની વાત કરે તો મારી તમારી સામાન્ય પ્રજા આ વાત માને? પણ જો એ એમ કહે કે હિટલર એ પેલા સૈનિક ની ૩ દિવસ પૂછ પરછ કરી તો એ વાત મારા તમારા સુધી પહોચતા પહોચતા ૪૦ દિવસ નું ટોર્ચરસ કડક ઈંટરોગેશન થઇ જાય. અને એના જ બેઇઝ પર “I will finish what you have started” ની માળા જપતા કાય્લો રેન ઉભા થઇ જાય. ઉપર ની વાતો અને આ બધુજ બની શકે. અને આ વાર્તા કહેવા માટે એક ફિલ્મ તો શું. કદાચ આખી ટ્રાઈલોજી પણ ટુકી પડે.

kyloRen

Kylo Ren-Latest Star Wars villain

અને એટલે જ કહેવાયું છે કે ટુમોરો નેવર ડાઈસ. એક વાર્તા અને એનો સમય પુરા થાય છે. સમય તો ચાલતો જ રહે છે. નવી વાર્તા ઓ બનાવતો જ રહે છે. કે (જેમ્સ બોન્ડ ની સાથે થયું એમ) સમય ફૂલ સર્કલ ફરી ને ફરી એ જ વાર્તા નવા સ્વરૂપ માં કહેતો રહે છે. અને આપણને પણ યાદ દેવરાવતો રહે છે કે never stop, keep moving forward. કેમકે કશું પૂરું નથી થતું, બસ થોડા લાંબા કે ટૂંકા બ્રેક્સ હોય છે. સો એન્જોય ધ લાઈફ, એન્જોય ક્રિસમસ મુવીઝ એન્ડ મે ધ ફોર્સ બી વિથ યુ…….. એન્ડ ફ્રોમ અ ફેન. વેલકમ બેક સ્ટાર વોર્સ.

સેમીકોલોન

google.com/starwars તમારા ગૂગલ એક્સપીરીયન્સ ને સ્ટાર વોર્સ સાથે જોડો. લાઈટ સાઈડ કે ડાર્ક સાઈડ પસંદ કરો અને જુઓ તમારા ગૂગલ મેપ્સ, યુ ટ્યુબ, જી મેઈલ વગેરે તમારી ચોઈસ પ્રમાણે કેવી રીતે બદલાય છે… (માત્ર ડેસ્કટોપ માટે, મોબાઈલ માં ઘણું બધું નહિ આવે)

 

Advertisements

In Time – ક્યા પતા કલ હો ના હો

તમે જયારે ૨૫ વર્ષ ના થાઓ છો ત્યારે તમારું શરીર એજિંગ પ્રોસેસ બંધ કરી દે છે. જ્યાં સુધી જીવો ત્યાં સુધી માનસિક અને શારીરિક રીતે તમે ૨૫ વર્ષ ના જ રહો છો. પણ નોર્મલી આવું થયા પછી આ શરીર માત્ર એક જ વર્ષ જીવી શકે છે, સિવાય કે નીચે દેખાડ્યું એમ તમારી બાયોલોજીકલ ક્લોક માં થોડો સમય હોય.

In Time

In Time

અને એટલે જ જીવવા માટે સમય ને કરન્સી તરીકે અપનાવી લેવા માં આવી છે, તમે પૈસા કે ડોલર આપવા ને બદલે સમય માં લેવડ દેવડ કરો છો. તમે કોઈ ને તમારો અડધો કલાક ઉધાર આપો છો, એક કોફી પીવા માટે ચાર મીનીટ ખર્ચો છો કે એક જગ્યા એ થી બીજી જગ્યા એ જવા માટે દોઢ કલાક આપો છો. અને આ રીતે, યોર ટાઈમ ઇઝ લીટરલી અ મની. તમારા આ “પૈસા” ખૂટી જાય એટલે માત્ર એક જ સેકંડ માં તમારું એ “ફોરેવર ટ્વેન્ટી ફાઈવ” શરીર એક ઝાટકે નિર્જીવ થઇ જાય છે. તમે તમારા વહાલા ઓ ને ગુડબાય પણ કહી શકતા નથી.

આવો ઈન્ટરેસ્ટીંગ અને ઇન્ટેલીજન્ટ જમાનો સેટ કર્યો છે ધ ટર્મિનલ (સ્ટીવન સ્પીલબર્ગ) અને ધ ટ્રુમેન શો (પીટર વેઈર) જેવી ફિલ્મો ના રાઈટર એન્ડ્રુ નિકોલ એ એની સરસ ફિલ્મ “ઇન ટાઈમ” માં. ફિલ્મ માં ટાઈમ ઇઝ મની નો કન્સેપ્ટ તો બહુ સરસ રીતે દેખાડ્યો છે, ઇન ફેક્ટ આ કન્સેપ્ટ આખી ફિલ્મ નું લોહી પાણી છે. પણ આખી વાર્તા નો ખરો પ્લોટ સામાજિક અસમાનતા છે. ફિલ્મ નો હીરો વિલિયમ(વિલ) સાલાસ(જસ્ટીન ટીમ્બરલેક) એક ઘેટ્ટો (વેસ્ટર્ન બસ્તી) માં રહે છે. જેમાં માણસો ના જીવવા માટે બહુ ઓછો ટાઈમ છે. ઘણા માણસો સરખી રીતે જીવી તો નથી જ શકતા પણ સરખી રીતે મરી પણ નથી શકતા. ફિલ્મ ની શરૂઆત માં જ આપણને એટલીસ્ટ એવા ૨ ૩ ડેડ બોડી મળી જાય છે જે લીટરલી રસ્તે રઝળતા હોય છે. એ ઘેટ્ટો ની હાલત એક દમ હિટલરે યહુદી ઓ માટે બનાવેલા ઘેટ્ટો જેવી જ હોય છે.

there’s more than enough. No one has to die before their time.

વિલ એક દિવસ એક બાર માં એક ધનવાન માણસ ને મળે છે જે ૧૨૫ વર્ષ થી જીવે છે અને હજી એની પાસે જીવવા માટે બીજા ૧૦૦ વર્ષ છે. એ આટલું બધું જીવવા થી કંટાળી ગયો હોય અને એટલે સ્યુસાઈડ કરવા માટે જ ઘેટ્ટો માં આવ્યો હોય છે. વિલ એક સાહસ કરી ને એ માણસ ને બચાવી લે છે. અને એ બંને એક ભેકાર જગ્યા માં રાતવાસો કરે છે. બંને વચ્ચે થતી ચર્ચાઓ માં એ માણસ હેરી (કે હેન્રી) હેમિલ્ટન ઉપર નો ડાયલોગ બોલે છે. પછી આપણે જોઈએ છીએ કે એ માણસ સુઈ રહેલા વિલ ના હાથ માં પોતાની પાસે પડેલા ૧૦૦ વર્ષ ડાઉનલોડ કરી દે છે. વિલ જયારે જાગે છે ત્યારે જુએ છે કે હેમિલ્ટન પુલ ની પાળે થી સ્યુસાઈડ કરવા ની તૈયારી માં હોય છે અને એની પાસે નો સમય પોતાના માં ટ્રાન્સફર થઇ ગયો હોય છે, હેમિલ્ટન ને બચાવવાની એક નિષ્ફળ તૈયારી કરવા માં એ સી સી ટીવી કેમેરા માં ઝડપાઈ જાય છે. ટાઈમ કીપર નામની પોલીસ જેવી લગતી ટીમ એની પાછળ પડે છે.

અને પછી શરુ થાય છે રન એન્ડ ચેઇઝ ની વધુ એક કહાની. એક ધનવાન બિઝનેસમેન, એની બ્યુટીફુલ દીકરી, એક અપહરણ, મહેલો મહાલયો માંથી અચાનક બસ્તી માં આવી ચડવું, સામાજિક અસમાનતા, એક દીકરી નો એના બાપ સામે બળવો, સિસ્ટમ ને જાળવી રાખવાની નિષ્ફળ ટ્રાય કરતો એક પોલીસ, અને બોની એન્ડ ક્લાઈડ (આપડા બંટી ઔર બબલી ની ગંગોત્રી સમાન અમેરિકન ગેન્ગસ્ટર કપલ) છાપ લુંટ. નોર્મલી આપણા માટે આ એક સ્ટોરી છે, પણ ડાયરેક્ટર માટે આ અંદર ની મીઠી ચોકલેટ ના રેપર સમાન છે. એણે એક દુનિયા એટલા માટે બનાવી હોય છે કારણકે એણે આવી નોર્મલ વાર્તા સિવાય પણ બીજું ઘણું બધું કહેવું હોય છે.

જેમકે જયારે વિલ ઘેટ્ટો છોડી ને ધનવાનો ના એરિયા માં જાય છે અને ત્યાની હોટેલ માં નાસ્તો કરે છે ત્યારે સિલ્વિયા એ નોટ કરે છે કે વિલ બધું જ ઉતાવળે કરતો હોય છે. અને તરત ધારી લે છે કે એ ઘેટ્ટો માંથી આવેલો હોય છે. કારણ કે ધનવાનો ને ઉતાવળ કરવા ની જરૂર નથી, એની પાસે બધું જ કરવા માટે ટાઈમ જ ટાઈમ છે.અથવા તો ન્યુ ગ્રિનવીચ (ધનવાનો નો એરિયા) માં વપરાતી કાર્સ, જે બધી થોભી ગયેલા સમય ને દર્શાવવા માટે ‘૭૦ ની આસપાસ ના મોડેલ ની છે. કે પછી ફિલીપ ના મોઢે સાંભળવા મળતો ડાયલોગ જેમાં એ કહે છે કે કોઈ ની સાથે ઉભેલી સ્ત્રી એની માં છે. પત્ની છે કે દીકરી છે એમાં સામેવાળો કન્ફયુઝ થઇ જાય છે કારણકે અહિયા તો બધા ૨૫ ના જ દેખાય છે. કે પછી ન્યુ ગ્રિનવીચ ના લોકો નો પહેરવેશ, જે લગભગ ૫૦ ના દાયકા ને જીવતો કરવા ની ટ્રાય કરે છે.

આ ડીટેઈલ સિવાય પણ ઇન ટાઈમ ના યુનિવર્સ માં એક વાત ઘણી બધી વાર કહેવાઈ છે. અને એ છે ટાઈમ નું મહત્વ, આપણને મળેલા ટાઈમ નું મહત્વ. અહિયા વિલ ની માં વિલ ને અડધો કલાક આપે છે જેથી વિલ શાંતિ થી અને સારું જમી શકે, પણ એ જ અડધો કલાક એણે બસ ની મુસાફરી કરવા માં ઓછો પડે છે. એક સેકંડ ના ફરક માં વિલ બે વખત મરતા મરતા બચે છે, અને બધું જ શાંતિ થી કરવા ટેવાયેલી સિલ્વિયા પાસે દોડવા માટે પણ સમય નથી હોતો. વિલ એના બેસ્ટ ફ્રેન્ડ ને દોસ્તી ના એક વર્ષ માટે એક વર્ષ ઉધાર આપે છે, અને બંને બીજી વખત મળે એ પહેલા એ દોસ્ત દારુ ના નશા માં મરી જાય છે, અને ત્યારે એની પાસે પુરા ૯ વર્ષ પડ્યા હોય છે. વિલ એની માં ને, એના ફ્રેન્ડ ને કઈ પણ કહે એ પહેલા જ બંને જતા રહે છે.

આવું જ કૈક આપણી સાથે નથી થતું? એ ફ્રેન્ડ ની સાથે કૈક ગાંડા કાઢવા નો સમય મળે એ પહેલા જ એ ફર્ધર સ્ટડી કરવા યુ એસ જતો રહ્યો છે અને દસ વર્ષ સુધી બંને નથી મળી શકતા? હજી જેના લગ્નમાં ધમાલ કરવાની વાતો કરતા હોઈએ, એ ટૂંકી માંદગીમાં અંધારા અજવાળાની પેલે પાર પહોચી જાય છે અને ન સહન થાય એવી અકળામણ અને ગુંગળામણ મૂકી જાય છે. કૈક નવું શીખવાની શરૂઆત કરવાની ઈચ્છા હોય પણ પૈસા કમાવવા/ઘર ચલાવવાની લ્હાયમાં એ ઈચ્છા ને દબાવી દઈએ, અને પછી રીટાયરમેન્ટ આવા અફસોસ કરવામાં જ વિતાવી દઈએ. જીન્દગી અફસોસ, ક્રોધ,,લડાઈ, રાજકારણ અને કાવાદાવા માટે બહુ ટુંકી છે, અને આ દુનિયા માં એટલી બધી સારી વસ્તુઓ પડી છે કે એ બધા ને ઇન્જોય કરવા નું વિચારીએ તો એક જીન્દગી ટુંકી પડે…

 

Sangit Suggestion By our very own  Reader Bhums:

1. Jhini Re Jhini … from movie ‘Issaq’

2. May be.. by Enrique

3. Could I have this kiss forever…by Enrique

4. Tu likh de mera Usey…from movie ‘Evil Returns 1920’

5. Iktara (Both versions)… Did we need to write movie name? 😉 😛

6. I am alive…from movie ‘Staurat Little’

7. Teri Khushbu me bhare khat… Jagjit Singh

8. Bhagan ki Rekhan ki… from movie ‘Issaq’

 

%d bloggers like this: