About

વેલકમ મિત્રો,

માઉન્ટ મેઘદૂત બ્લોગમાં આપ સૌનું સ્વાગત છે. મેઘદૂત સંસ્કૃત શબ્દ છે જેનો સાદો અર્થ ‘વરસાદ સંદેશવાહક’ એવો થાય છે.અહીં, વરસાદ એટલે મેઘ-વાદળો. કવિ કાલિદાસ સંસ્કૃત ભાષાના સર્વોત્તમ લેખક છે જેનો સમગ્ર વિશ્વમાં વિકલ્પ નથી. અભિજ્ઞાનશાકુંતલમ, કુમારસંભવ વગેરે જેવી કૃતિઓ રચીને એ અમર થઇ ગયા છે ત્યારે, આ બ્લોગનું નામ ‘મેઘદૂત’ યોગ્ય છે. મેઘદૂત એ કાલિદાસની ઓલટાઈમ ક્લાસિક ફેન્ટેસી કૃતિ છે. ભારતમાં વરસાદ એ વિરહની ઋતુ પણ છે અને મિલનની ઋતુ પણ છે. આવી ડબલ ડેફીનેશનનો બખૂબી ઉપયોગ કરીને કાલિદાસ કલ્પનાના રંગોને એવા શેડ્સમાં ગોઠવે છે કે જેથી ‘મેઘદૂત’ સમયના કાલખંડોને ભેદીને આરપાર નીકળી જતી કૃતિ બની જાય છે. ભૂતકાળમાં, ભારત ઇરોટીકાના હબ તરીકે જાણીતું હતું. કામસૂત્ર જેવા ગ્રંથો રચાયા અને કાલિદાસે આ કોન્સેપ્ટને પર્વતો,નદીઓ અને ઝરણાઓ પર લઈને એવો ગુંથ્યો છે કે વાંચતા વાંચતા દિલોદિમાગ તરબતર થઇ જાય છે. આ બ્લોગનું નામ માઉન્ટ મેઘદૂત છે. મેઘદૂત એટલે કે વરસાદી વાદળો અને એનો પણ પર્વત. અહીં દુનિયાભરની માહિતી શક્ય એટલા તમામ પ્રયાસો કરીને મુકવામાં આવશે.ના,અહીં સર્ચ એન્જીન મુકવાનો કોઈ ઈરાદો નથી પરંતુ,જે કઈ સારું અને વાંચવાલાયક છે એને ગુજરાતી પ્રજા સમક્ષ મુકવાનો આ નમ્ર પ્રયાસ છે. આ બ્લોગ ગુજરાતી અને ગ્લોબલ(અંગ્રેજી) એમ બેય ભાષામાં હશે.

મિત્રો
આ સદી જ્ઞાન ની સદી છે. અહીં જેટલું વધુ જાણીએ એટલું ફાયદાકારક છે. અહિયાં તમને જુદા જુદા વિષયો પર સારામાં સારું વાંચન મળી રહે એ માટે શક્ય એટલી વધુ જેહમત ઉઠાવવા માં આવશે અમે એની ખાતરી આપીએ છીએ. ગુજરાતી ભાષા લુપ્ત થતી જાય છે એની કાગારોળ વચ્ચે પણ અનેક ટાઈમલેસ કૃતિ ઓ ની ચર્ચા અને વિવેચન લેખો પણ હશે, અને એમાં એ પણ ધ્યાન રાખવા માં આવશે આ બ્લોગ ની મદદ થી અમે લેખક ની ભાષા અને વાચક ની ભાષા વચ્ચે ની તિરાડ ની પૂરી શકીએ.

આ બ્લોગ માત્ર સાહિત્ય ની ચર્ચા ઓ માટે જ નથી… આ બ્લોગ માં આ સિવાય પણ ઘણું બધું છે. આ બ્લોગ જુના અને નવા વિચારો, ક્વોટસ, tweets, ફેસબુક ના સ્ટેટસ અપડેટ કે જેમાં બહુ ટૂંકા વાક્યો માં બહુ મોટી મોટી વાતો થઇ છે એ પણ શેર કરવા માં આવશે. દેશ વિદેશ ની ફિલ્મો, દેશ વિદેશ ના સંગીત અને ગીતો, ઈડિયટ બોક્સ માં આવતા ઈંટેલીજન્ટ કાર્યક્રમો ની ચર્ચા કરવા માં આવશે.માર્ક ટ્વૈન થી લઇ ને માર્ક ઝુકરબર્ગ અને ઓસ્કાર વાઇલ્ડ થી લઇ ને ઓસ્કાર એવોર્ડ્સ સુધી ની વાતો… કે સી બોકાડીયા થી માંડી સ્ટેન્લી ક્યુબ્રિક ની વાતો અને અરુણ રાજ્યગુરુ થી લઇ ને મોઝાર્ટ ની વાતો…. ટૂંકમાં ગાગર માં સાગર કે તળાવ જે મળે એ પેશે ખિદમત કરવા ની ઈચ્છા સાથે તમારી સામે અમે આ બ્લોગ ને રજુ કરીએ છીએ… અને આશા રાખીએ છીએ કે તમને આમાંથી ઇન્ફોટેઈનમેન્ટ મળતું રહે.