• Messengers of meghdoot

  • Mount Meghdoot

    Mount Meghdoot

    Logo Of Mount Meghdoot, Courtesy Vishal Jethva

  • Enter your email address to follow this blog and receive notifications of new posts by email.

    Join 901 other followers

  • The Meghdoot History

  • Meghdoot Calendar

    September 2020
    M T W T F S S
     123456
    78910111213
    14151617181920
    21222324252627
    282930  
  • People till date enjoyed our raindrops

    • 45,037 times
  • Live Traffic

  • Tweetdrops

    • You don't need to be liked by Everyone, Not everyone have a good taste!!! 1 year ago
    • facebook.com/story.php?stor… 2 years ago
    • If you're happy, you don't need any philosophy - and if you're unhappy, no philosophy in the world can make you Happy..!!! 2 years ago
    • કહી દો દુશ્મનો ને કે દરિયા ની જેમ પાછો ફરીશ હું મારી ઓંટ જોઈ એ કિનારે ઘર બનાવે છે. We're coming back (probably... fb.me/8WlUlwXjA 3 years ago
    • You are not what has happened to you. You are what you choose to become. #twitter 3 years ago
  • Add us on Google Plus

  • Mount Meghdoot on Facebook

  • Top Clicks

    • None

આવારાપન~ ઇમોશન્સનું પાગલપન!

“સો વોટ્સ અપ બડ્ડી! કીથ્થે હો?” – અચાનક વોટ્સએપ પર એક મેસેજ બ્લિંક થાય છે. સહેજ જ વાયબ્રેટ થતા મોબાઈલ સાથે દિલ હજાર વાર વાયબ્રેટ થાય છે.

“ગુડ મોર્નિંગ ડ્યુડ! વિકેન્ડનો પ્લાન શું છે? આઈ એમ કમિંગ એટ યોર પ્લેસ ટુનાઈટ.”- ફરી એક નાની ચીસ મેસેજના કડવા ટોનની. આજ મેસેજનો ટોન થોડા દિવસો પહેલા કાનથી લઈને દિલ સુધી એક અજીબ મીઠી, ઉત્સુકતાભરી અને પેશનેટ ઝણઝણાટી કરી જતો હતો..

“યુ હેવ ગોટ અ મેઈલ!”- છેલ્લા એક કલાકમાં જાણે કેટલીયે વાર  જીમેઇલ એપનું ન્યુ મેઈલ નોટીફીકેશન વાગ્યું હશે. કેમ આજે એ છેક અંદર, ઊંડે, ચચરી ઉઠે એવું વાગે છે?

કેલેન્ડર નોટીફીકેશન, ફેસબુક બઝ, મિસ કોલ લીસ્ટ – આજે કશુંયે જોવા આ આંખો રાજી નથી.

બેકગ્રાઉન્ડમાં વાગતા રેડીઓ પર ગુંજી રહેલો તમારા ફેવરેટ આર.જે નો અવાજ પણ આજે શુષ્ક અને બોદો લાગે છે.

ઘડિયાળ જાણે હરેક પળ સાથે સેકંડ કે મિનિટનો કાંટો  ફેરવતા પહેલા તમને ચીઢવી રહી છે..

અને…

“આજ જાને કી ઝીદ નાં કરો! યુ હી પહેલું મેં બેઠે રહો… આજ જાને કી ઝીદ નાં કરો! ” – રેડિયો પર વાગી રહેલા એક ગીતથી અચાનક તમારા ફેસ પર હઝારો વોટની રોશની ઝગમગે છે..

નાં, આ તમારું પ્રિય ગીત તો નથી.. તો પછી? હા, આ ગીત એનું પ્રિય છે જે તમને પ્રિય છે!

પ્રિય શબ્દ તો બહુ નાનો કહેવાય, તમારી ચાહવાની ઇન્ટેન્સીટીની કમ્પેરીઝનમાં! કદાચ તમારી એના માટેની લાગણીઓને – પાગલપન જ કહી શકાય…કેમકે પ્રિય હોવાના કારણો હોય છે, પાગલપનનાં નહિ!

અને અચાનક એની યાદ માત્રથી આખું અસ્તિત્વ પાણી પાણી થઇ જાય છે. જાણે પોતાનામાં ઓગળી ગયેલી “એ” જ બદામી આંખોને મોટી કરીને તમને છેડી રહી છે. કહી રહી છે કે- આ દેવદાસગીરી નહિ ચાલે બોસ!

અને એ બદામી આંખોનું સમરણ એક ઝાટકે ખંખેરી દે છે બધી નેગેટીવીટી અને હતાશાને!

અચાનક  હાથ મોબાઈલના કી-પેડ પર ફરે છે, એક કસક સાથે, એ અવાજ સંભાળવાના ઝનુનમાં! તમારા જહેનમાં ઊંડે-અંદર કોતરાયેલા એ નંબરને ડાયલ કરે છે જેને કોઈ નામ આપીને  ફોનબુકમાં સેવ કરવું પણ તમને અલાઉડ નથી.

અને તરત તમે એક કોન્શીયસનેસ સાથે કોલ કટ કરો છો.  બંધ આંખે તમારી રૂહ વીંટળાઈ વળે છે એને, એના બ્રાઉન કલર્ડ વાળથી લઈને એના જમણા પગના તલ સુધી!  અને એક અજીબ સુકુન, શાતા અને સંતોષ મેહસૂસ થાય છે. એનામાં ભળી જવા માત્રથી, સંપૂર્ણ હોવાનો ક્ષણવાર ભાસ થાય છે.

અને આંખો બંધ કરી તમે સ્વ-ગત વિચારો છો- “તારા સુધી સદેહે પહોંચવાના કે તારી અને મારી લાગણીઓને કોઈ નામ આપી શકવાના પરવાના ભલે મને સામાજિક બંધનો અને મર્યાદાઓ આ જન્મે નહિ જ આપે! પણ તને તૂટીને ચાહવા માટે, મારી અંદર ઓગળીને, મારા અસ્તિત્વમાં એકાકાર થઇ ગયેલી- તને મહેસુસ કરવા માટે,  મારે કોઈ લીગલ સર્ટીફીકેટ કે સામાજિક પરમીશન લેવાની જરૂર નથી!

હા, હું તને ચાહુ છું અને ચાહવાના કોઈ કારણો હોતા નથી!

હા, હું તને ચાહુ છું અને મારી લાગણીઓની તપીશ પુરતી છે મને ખુમારીથી જીવડાવવા અને ફરી ફરીને તારા પ્રેમમાં પાગલ બનાવવા!

હા, હું તને ખુબ ચાહુ છું, મારી બુદ્ધિમત્તા અને સમઝદારીની સરહદોને પાર, પાગલપનના  ક્ષિતિજ સુધી!

હા, હું તને ખુબ-ખુબ જ ચાહુ છું અને એટલેજ … તુ  તારી દુનિયામાં હસી-ખુશી જીવવા, પોતાના સંબંધોને મનથી નિભાવવા, પોતાની વાસ્તવિકતાની દુનિયામાં રુક્ષ દુનિયાદારી પૂરી કરવા મુક્ત છે..

તુ મારા માટે અને હું તારા માટે- માત્ર એક સપનું છીએ, જેને બંધ આંખે જ જોવાય, જેને પોતાના પૂરતું- ખાનગી રાખવાનું હોય, જેને યાદ કરીને આંખો ખુશીથી ભીની કરી શકાય! ”

અને …

વિચારોની યાત્રા એકદમ રેડીઓમાં વાગી રહેલા ગીતમાં ભળી જાય છે.. અક્ષર-સહ જાણે તમારા ઇમોશન્સને મ્યુઝીકમાં મઠારી દીધું હોય તેમ જ તો … અને તમે એક ચિત્તે એ ગીતના લિરિક્સમાં જાતને મેહસૂસ કરો છો…

આવારાપન બંજારાપન, એક ખલા હે સીને મેં..

હર દમ હર પલ બેચેની હે, કૌન ભલા હે સીને મેં…

ઇસ ધરતી પર જિસ પલ સુરજ રોઝ સવેરે ઉગતા હે,

અપને લીયે તો ઠીક ઉસી પલ રોઝ ઢલા હે સીને મેં..

આવારાપન બંજારાપન, એક ખલા હે સીને મેં..

જાને યે કેસી આગ લગી હે, ઇસમેં ધુઆં ના ચિનગારી,

હો ના હો ઇસ બાર ભી કોઈ ખ્વાબ જલા હે સીને મેં…

આવારાપન બંજારાપન, એક ખલા હે સીને મેં..

જિસ રસ્તે પર તપતા સુરજ સારી રાત નહિ ઢલતા..

ઇશ્ક્ કી ઐસી રાહ ગુઝર કો હમને ચુના હે સીને મેં..

આવારાપન બંજારાપન, એક ખલા હે સીને મેં..

કહા કિસીકે લીયે હે મુમકીન સબકે લીયે ઇક સા હોના..

થોડા સા દિલ મેરા બુરા હે, થોડા ભલા હે સીને મેં…

આવારાપન બંજારાપન, એક ખલા હે સીને મેં..

દિલ જિસ કો હાં કહેતા હે, ઝહેન ઉસીકો કહેતા હે નાં..

ઈશ્ક મેં ઉફ્ફ યે ખુદ હી સે લડના એક સઝા હે સીને મેં..

આવારાપન બંજારાપન, એક ખલા હે સીને મેં..

ખંજર સે હાથો પે લકીરે કોઈ ભલા ક્યાં લીખ પાયા,

હમને મગર એક પાગલપન મેં ખુદ કો છલા હે સીને મેં…

આવારાપન બંજારાપન, એક ખલા હે સીને મેં..

હર દમ હર પલ બેચેની હે, કૌન ભલા હે સીને મેં…

***

મુવી  – જિસ્મ (૨૦૦૩)

સિંગર – કે.કે.

લિરિક્સ – સયીદ કાદરી

યુ ટ્યુબ લીંક :

મેં યહાં હું,યહાં હું, યહાં હું, યહાં…

યશ ચોપરા અને શાહરુખ ખાન…

આ બે નામ ફરીથી લોકોના દિલોદિમાગ પર છવાઈ રહ્યા છે. યશજીએ ઉપરવાળા સાથે ટાઈ-અપ કર્યું હોય એમ એક્ઝીટ કરી લીધી. બપોરે ટ્વીટડેકમાં ન્યુઝ વાચ્યા અને ઘેર આવતા ઓટોપ્લેમાં ગીત વાગ્યું-કયું હવા,આજ યુ ગા રહી હૈ…સ્પીલબર્ગ-લુકાસ-કુબ્રિક પછી જેની ફિલ્મોએ આ લખનાર પર રીતસરની ભૂરકી છાંટી હોય એવો આ એક માણસ.નામે યશ ચોપરા. રાતના એક વાગીને 48 મીનીટે એમનો છેલ્લો ઈન્ટરવ્યું પૂરો કર્યો અને દિમાગ રાસડા લેવા માંડેલું. બીજે જ દિવસે JTHJ જોઈ. શરૂઆતમાં જ એમાં એમની લાઈન્સ મૂકી છે- યે ગીત સબ મેરે હૈ,યે કિરદાર સબ મેરે હૈ,ઇનમેં મેં હું… અને “વીર ઝારા”નું મદનમોહનનું ઉપર ટાઈટલ લખ્યું એ સોંગ મગજમાં એક ખૂણે શાંત સૂરમાં વાગવા લાગ્યું.

Yash Chopra

આ કોમ્બો રેર અને ડેડલી છે. જો કે,યશજી ક્યારેય શાહરુખ પર મુસ્તાક રહ્યા નથી.જ્યાં વિઝન અલગ પડે ત્યાં બીજા હીરોને એમણે રજુ કરી દીધો છે. જયભાઈએ બ્લોગ અને સ્પેકટ્રોમીટરમાં યશજીને અંજલી આપતો લેખ લખ્યો જ છે એટલે કશી જ વસ્તુઓનું રીપીટેશન કરવાનો ઈરાદો નથી.બહુ બધું બોલાયું,લખાયું યશજી પર.એમનો લાસ્ટ ઇન્ટરવ્યુ એટલે જ યાદગાર રહ્યો કેમકે એમણે આજના દરેક વૃદ્ધે સમજવા જેવી વાત બહુ સરળતાથી કહી દીધી-“હવે દિલ કહે છે કે બસ બહુ થયું. હવે હું ફિલ્મો ડીરેકટ નહિ કરું, હવે એ યુવાનોની મદદ કરીશ જેમને ફિલ્મોમાં ઘણું શીખવાનું બાકી છે.એમને મારો અનુભવ કહીશ.” JTHJ પર પણ બહુ માછલા ધોવાયા છે અને યશજીની છેલ્લી ફિલ્મના નામે કે બીજા ગમે એ રીઝનથી ફિલ્મે આજની ડેટ સુધીમાં 119.63 કરોડનો બિઝનેસ કર્યો છે. કોઈ ફિલ્મ માત્ર યશજીના નામે તરી ગઈ એ વાતમાં બહુ દમ નથી કેમકે ફિલ્મ ક્રિટીક્સ માત્ર ટેકનીકલ સમીક્ષા કરી શકે છે, ઈમોશનલ એનાલીસીસ નહિ. એ કામ ઓડિયન્સનું છે. પબ્લિક રાડારાડ એ મામલે કરતી હતી કે ફિલ્મ બહુ લાંબી બની ગઈ છે. એક પ્રેક્ષક તરીકે તમે એમાં કનેક્ટ થાવ એજ ફિલ્મની સ્ક્રીપ્ટનું જમા પાસુ છે. પ્રેમ આપણે ત્યાં સહુથી જુનો અને સૌથી તિરસ્કૃત + પૂજ્ય વિષય છે. એમ તો ‘લમ્હે’ પણ લાંબી લાગવાની. પણ માણસના સ્વભાવના અપ્સ એન્ડ ડાઉન્સ સ્ક્રીન પર પ્રોજેક્ટ કરવામાં ટાઈમ અને ફ્રેમ્સ જોઈએ. હશે, દરેક પાસે પોતાનો ઓપીનીયન છે-હોવો જ જોઈએ. ફિલ્મ જોતી વખતે વીર ઝારાનું બેકડ્રોપ સતત લાગ્યા કરે છે કેમકે ખુદ યશજીએ કહ્યું છે કે હું એવી ફિલ્મ બનાવવા માગતો હતો જેમાં સોલ મારી હોય,પણ અંદાજ અને વાત આજના યુગની હોય. જેબ્બાત, ધેટ્સ ધ સિક્રેટ. પ્રેમ જુનો,બોટલ નવી. 😉 અમુક મોમેન્ટ્સ ‘પરિણીતા’ની યાદ પણ અપાવે છે. આ કઈ ફિલ્મ રીવ્યુ નથી.બસ,એક અહેસાસનું શેરિંગ છે જેનું ઊંડાણ કદાચ દરેક દિલ પાસે છે. ફિલ્મ કોઈને ગમી કે ન ગમી એ મુદ્દો પછી છે,પણ YRF ના મૂળિયાં બહુ મજબુત છે એ દેખાઈ આવે છે. પ્રેમ હોય ત્યાં પેશન હોવાની,વાઈલ્ડનેસ પણ હોવાની..યાદ કરો ‘સાંસ’ સોંગ.. 😉 પ્રેમનું હોવાપણું તો જરૂરી છે જ,સાથે સાથે સમય મુજબ એમાં યશજી એમની સ્ટાઈલમાં પણ સુધારા કરતા જાય છે. સિનેમા એટલે આર્ટ ઓફ સ્ટોરીટેલીંગ. પછી એ નફરત હોય, ક્રોધ હોય,ષડયંત્ર હોય,કે પછી પ્રેમ હોય.

શાહરુખ ખાન માત્ર લવરીયાવેડા ન કરતા ઉમદા પરફોર્મન્સ પણ આપે છે. આ કદાચ મેટર ઓફ ટ્યુનીંગ છે,કદાચ મેટર ઓફ ઈમેજ પણ હોઈ શકે. જે હોય તે, ઇન્ટેન્સ પરફોર્મન્સમાં શાહરુખ જામે જ છે એ નક્કર હકીકત છે. સમગ્ર ફિલ્મમાં યશજી છવાયેલા છે. પછી એ DDLJ ના ચર્ચ સીનવાળો રેફરન્સ હોય કે રિશી કપૂરના મોઢે મુકાયેલી પોતાની લાઈફની ટેગલાઈન ‘હર એક ઈશ્ક કા એક વક્ત હોતા હૈ.’ માં સ્માર્ટલી મેસેજ પહોચાડવાની ખુબીલીટી હોય. 😛 ક્યાંક ક્યાંક ‘સાવરિયા’/ઉર્મિલા/જોસેફાઈનની જેમ વિરહી વેઇટિંગની અસર પણ દેખાઈ છે. પ્રેમ પર ફિલ્મો બનાવી જાણતા યશજીની રીયલ લાઈફ પણ પ્રેમસભર જ રહી છે. પત્ની પેમ સાથે એમને લવ એટ ફર્સ્ટ સાઈટ જ થયેલો છે. અને એટલે જ પ્રેમની ઉત્કટ રંગપૂરણી એ દરેક ફિલ્મમાં કરી શક્યા. પ્રેમ, કોઈ દિવસ એને ડીફાઈન જ કરી ન શકાય કેમકે એ અનુભૂતિનો વિષય છે. પુરુષ ત્યાગ કરીને પ્રેમ કરી શકે છે,સ્ત્રી આપીને પ્રેમ કરે છે. બે મૂળભૂત જાતિઓની પ્રેમ કરવાની પદ્ધતિ તદ્દન અલગ હોવા છતાંય એ બેય એક કોમન કેમેસ્ટ્રીના મોહતાજ છે. એ સ્પાર્ક,એ ગોડનો ઈશારો એ બધું હરીફરીને તમને પ્રેમના જ રસાયણમાં તરબોળ કરવા માટે હોય છે. ઢાઈ અક્ખર પ્રેમ કા,પઢે સો પંડિત હોય…નોર્મલ લાઈફની જેમ જ ઇત્તેફાક અને ડેસ્ટીની આ બે કાયમ પ્રેમના માર્ગમાં આવતા રહે છે. ઇત્તેફાક એ ક્યારેક ઈશ્વરને સાબિત કરવા માટેનું સૌથી મોટું હથિયાર છે. પ્રેમ એ ઈશ્વર છે કેમકે એકબીજાને ચાહતી વખતે ડીવાઈન ફીલ પ્રગટે છે અને એ સમગ્ર વાતાવરણમાં ફેલાઈ જાય છે. ચાહવું,કેટલો બહુઆયામી શબ્દ છે!! પ્રેમમાં કોઈ લોજીક વગર આગળ વધવું ખતરાથી ખાલી નથી કેમકે એ નો-વે રીટર્ન છે.ખૂંપતા જશો એમ દર્દ/ઘુટન/વિરહનું વોરંટી કાર્ડ કાયમી ગેરંટી કાર્ડમાં કન્વર્ટ થતું જશે. એ સહેવાની તૈયારી અને બળ પણ પ્રેમમાંથી જ મળ્યા કરશે.બળતણ મળ્યા કરશે અને તમને જલાવ્યા કરશે. વચ્ચે વચ્ચે ક્યારેક સારી મોમેન્ટ્સના બુદબુદા મળશે પણ સતહી પ્રેમને માટે જગતમાં જગ્યા નથી. એ પાણીમાંના બબલ જેવો છે. પાણી છે ત્યાં સુધી એનું અસ્તિત્વ છે.બાહરી હવામાં એ શ્વાસ નહિ લઇ શકે. સાચો પ્રેમ પામવા માટે ઘુટણ પણ છોલાશે અને બંધન વગરના વાયદાઓ પણ આપવાના થશે. એજ તો કસોટી છે,જે ભક્તિમાં પ્રભુને પામવા માટે થતી હોય છે.ડીટ્ટો ફોર લવ. જે લોજીક મીરા નથી સમજી શકતી,એ રિશી કપૂરની ઈશ્ક કા વક્ત લાઈનમાં ક્લીયર થઇ જાય છે. ઈશ્ક જેટલો વક્ત લેશે,એટલો એ વધુ તીવ્ર બનશે. એ વધુ બળવત્તર ત્યારે બનશે,જયારે એમાં તમે તમારી ઘુટન/દર્દ/વિરહ એ બધું બળતણ તરીકે હોમી દો. પ્રેમ કુરબાની માગે છે,વક્તની,ભરોસાની,સમજણની,અને તમારી..અને એટલે જ JTHJ ધીમી બળે છે,પણ લિજ્જત આપે છે.પ્રેમની જેમ.જો જિંદગીમાં કોઈનેય ક્રેઝી પ્રેમ કર્યો હશે તો એક એક મોમેન્ટ પ્રેમતત્વ બયાન કરે છે…એન્જોય….

પાપી કાગવાણી:

प्रेम हमारे यहाँ एक ऐसा विषय है,जहा सिर्फ थियरी की क्लास चलती है।। 😉 😛

– Dr. Kumar Vishvas

પ્રેમને ડીવાઈન બતા(/ના)વનાર અને આપડા સહુના ફેવરીટ ભગવાનના ફેવરીટ વાદ્યને ફિલ્મ OMG માં બહુ સરસ રીતે યુઝ કરવામાં આવ્યું છે.એનાથી મોટી પ્રેમની વ્યાખ્યા હજી સુધી અમને મળી નથી.સાંભળીને નક્કી કરજો.. 😉
Enjoy…
%d bloggers like this: