• Messengers of meghdoot

  • Mount Meghdoot

    Mount Meghdoot

    Logo Of Mount Meghdoot, Courtesy Vishal Jethva

  • Enter your email address to follow this blog and receive notifications of new posts by email.

    Join 901 other followers

  • The Meghdoot History

  • Meghdoot Calendar

    January 2020
    M T W T F S S
    « Oct    
     12345
    6789101112
    13141516171819
    20212223242526
    2728293031  
  • People till date enjoyed our raindrops

    • 42,955 times
  • Live Traffic

  • Tweetdrops

    • You don't need to be liked by Everyone, Not everyone have a good taste!!! 1 year ago
    • facebook.com/story.php?stor… 1 year ago
    • If you're happy, you don't need any philosophy - and if you're unhappy, no philosophy in the world can make you Happy..!!! 1 year ago
    • કહી દો દુશ્મનો ને કે દરિયા ની જેમ પાછો ફરીશ હું મારી ઓંટ જોઈ એ કિનારે ઘર બનાવે છે. We're coming back (probably... fb.me/8WlUlwXjA 2 years ago
    • You are not what has happened to you. You are what you choose to become. #twitter 2 years ago
  • Add us on Google Plus

  • Mount Meghdoot on Facebook

  • Top Clicks

    • None

The Curious Case of Three Holmes

માય ડીયર વોટ્સન. એ ગાળો હતો ૨૦૦૫-૨૦૦૭ ની વચ્ચે નો.એ સમયે ધ હિસ્ટ્રી ચેનલ ના નામે જાણીતું અત્યારનું હિસ્ટ્રી ટીવી ૧૮ એ સમયે તદ્દન નવું અને સારા અને જોવા લાયક કન્ટેન્ટ થી ભરપુર હતું. અને એમાય રાત્રે ૯ વાગ્યા નો સોમવાર થી ગુરૂવાર નો સ્લોટ યાદગાર હતો. બહુ બધી ડીટેઇલ તો યાદ નથી પણ એમના બે શો તો પાક્કા યાદ છે. એક સોમવારે આવતું “શાર્પ” જેમાં ગોલ્ડન આઈ નો વિલન શ્યોન બિન (Sean Bean) ટાઈટલ રોલ માં હતો અને એક નાના રોલ માં પદ્મા લક્ષ્મી પણ હતી જે એ સમયે લેખક સલમાન રશ્દી સાથે ના રીલેશન માટે ચર્ચા માં હતી.

અને બીજું મંગળવારે આવતું “ધ એડવેન્ચર ઓફ શેરલોક હોમ્સ”. મૂળ ઇંગ્લેન્ડ ના ગ્રનાડા આઈ ટીવી (Granada ITV) માટે 1984 થી 1993 સુધી બ્રોડકાસ્ટ થયેલી શેરલોક હોમ્સ ની સીઝન્સ માની પહેલી સીઝન નું હિન્દી રૂપાંતરણ. આ રૂપાંતરણ ની પાછળ કોણ હતું એ યાદ નથી, અને ઈન્ટરનેટ માં કોઈ રેકોર્ડ પણ નથી, પણ એ રૂપાંતરણ એટલું સચોટ હતું કે એ શેરલોક હોમ્સ ની એક્ટિંગ અને એની બોલવાની અદાઓ ઉપર અમે દીવાના થઇ ગયા હતા. (થેન્ક્સ ટુ ભાવનગર થિયોસોફીકલ લોજ લાઈબ્રેરી) શેરલોક હોમ્સ ની બુક્સ વાચી ને પૂરી કરી હતી અને એ યાદો પણ તાજા જ હતી. “સિક્સ નેપોલીયંસ”, “બોહેમિયન સ્કેન્ડલ” જેવી વાર્તાઓ, હોમ્સ નો ઓબ્ઝર્વેશન પાવર વગેરે ધોરણ ૧૦ અને ૧૨ નો લોડ સહન કરી ને પણ મગજ માં તાજું જ હતું, અને એમાં આ સીરીઝ એ અમને કાયમી હોમ્સ ના પંખા બનાવી દીધા હતા.

ફાસ્ટ ફોરવર્ડ ટુ ૨૦૦૮, “ધ એડવેન્ચર ઓફ શેરલોક હોમ્સ” બહુ લાંબુ ના ચાલ્યું. વત્તા કોલેજ લાઈફ ના લીધે એ જેટલું ચાલ્યું એનો ઉભરો પણ ધીમે ધીમે ઉતારવા માંડ્યો હતો. પણ એ ઉભરો શમે એ પહેલા રોબર્ટ ડાઉની જુનીયર પોતે શેરલોક હોમ્સ બની ને થીએટર માં આવી ગયો હતો, ઓરીજીનલ કન્ટેન્ટ થી ભરપૂર, ફની અને ફાસ્ટ શેરલોક હોમ્સ એ હોમ્સ ને ચાહનારા હોમ્સીયંસ ના પણ દિલ જીતી લીધા.

પણ જ્હોન, આ ઉભરા એમ શાંત પડે તો એ હોમ્સ ના ઉભરા શેના? હજી 2008 ની ફિલ્મ લોકો ના મગજ માં તાજી હતી ત્યાં 2010 માં માર્ક ગેટિસ અને સ્ટીવન મોફેટ “જો શેરલોક હોમ્સ આપણા જમાના કેવો લાગત” એ કલ્પના ને સાકાર કરતી એક સીરીઝ લઇ ને આવ્યા હતા.બેનેડીકટ ક્યુમ્બરબેચ અને માર્ટીન ફ્રીમેન ને શેરલોક અને જ્હોન ના રોલ માં લઇ ને બનેલી “શેરલોક” એ લોકો ના દિલ જીતી લીધા હતા. અને એ શેરલોક બે એક્સ્ટ્રા એપિસોડ સહીત ૪ સીઝન સાથે હમણાં (જાન્યુઆરી માં જ) પૂરી થઇ.

અને એ ત્રણેય સેલીબ્રેટેડ શેરલોક્સ ને અમે ઉપર ફોટા માં મુક્યા છે. ઉપર “શેરલોક” બેનેડીકટ ક્યુમ્બરબેચ, નીચે ડાબી તરફ રોબર્ટ ડાઉની જુનીયર અને જમણી તરફ જેરેમી બ્રેટ્ટ જે ગ્રનાડા ટીવી નો શેરલોક હોમ્સ બનેલો. આ પોસ્ટ એ ત્રણેય હોમ્સ અને એની સીરીઝ ના એક નાનકડા પરિચય સમાન છે.

હોમ્સ ૧: જેરેમી બ્રેટ્ટ

જે સ્થાન રોજર મૂર નું જેમ્સ બોન્ડ ફ્રેન્ચાઈઝ માટે છે એ જ સ્થાન (કદાચ) જેરેમી બ્રેટ્ટ નું શેરલોક હોમ્સ ફ્રેન્ચાઈઝ માટે છે. બંને એ પોતપોતાના રોલ સહુથી લાંબા ટાઈમ માટે કરેલા છે. બંને ના ફેન્સ એમને લખાયેલા કેરેક્ટર્સ થી સહુથી નજીક ની એક્ટિંગ માને છે અને બંને ફેવરીટ બોન્ડ અને ફેવરીટ હોમ્સ છે.

દસ વર્ષ ચાલેલી સીરીઝ માં ગ્રનાડા ટીવી એ લખાયેલી ૬૦ શેરલોક હોમ્સ ની વાર્તાઓ માંથી ૪૨ નું રૂપાંતરણ કર્યું છે. અને એ ૪૨ વાર્તાઓ, એમાં દેખાડેલા શેરલોક હોમ્સ, વોટસન, ઇન્સ્પેકટર લેસ્ત્રાડ, માય્ક્રોફટ હોમ્સ, અને મીસીસ હડસન જેવા નિયમિત કેરેક્ટર્સ અને વિલન્સ ને મૂળ વાર્તા ની બને એટલા વફાદાર દેખાડ્યા છે. રાઈટર પ્રોડ્યુસર જોહન હોકસવર્થ, જેરેમી બ્રેટ્ટ અને વોટસન બનેલા બંને એક્ટર્સ (સીઝન ૧ માં ડેવિડ બર્ક અને સીઝન ૨ થી એડવર્ડ હાર્ડવિક) ની મહેનત ખરેખર દેખાઈ આવે છે. અને એટલેજ એ હોમ્સ મારું પણ પર્સનલ ફેવરીટ છે.

પણ આ સીઝન હિન્દી માં આવી ગયેલી એ જેણે આ સીરીઝ જોયેલી એ સિવાય કોઈ ને યાદ જ નથી, રીયાલીટી શોઝ ના રવાડે ચડેલી નવી હિસ્ટ્રી ટીવી ૧૮ ને આવા શોઝ ની કોઈ પડી જ નથી.અને ઈન્ટરનેટ પર હિન્દી સીરીઝ ની હયાતી ના કોઈ પુરાવા જ નથી. ફોકસ સ્ટાર ના નામે રડ્યા ખડ્યા બે વિડીઓ મળે છે પણ એ ય અલગ ડબિંગ છે. પણ ઈંગ્લીશ સીરીઝ ના ઘણા વિડીઓ યુટ્યુબ પર મળે છે અને archive.org પર એના ઘણા એપિસોડ છે જે તમે અહીંથી જોઈ તેમજ લીગલી ડાઉનલોડ કરી શકશો.

છેલ્લે, એક નાનકડું કમ્પાઇલેશન જેરેમી બ્રેટ્ટ ની ડાઈલોગ ડીલીવરી નું…..

 

હોમ્સ ૨: રોબર્ટ ડાઉની જુનીયર

કદાચ રોબર્ટ ડાઉની જુનીયર નો શેરલોક હોમ્સ સહુથી પોપ્યુલર હોમ્સ છે. Iron Man અને શેરલોક હોમ્સ બહુ નજીક નજીક ના ગાળા માં રીલીઝ થયા હતા અને બંને ફિલ્મો પોપ્યુલર રહી હતી. ઉપરાંત એ શેરલોક હોમ્સ એની ઓરીજીનલ વાર્તાઓ અને શેરલોક હોમ્સ ના એક્શન પેક્ડ અવતાર માટે અને રોબર્ટ ડાઉની જુનીયર ની એક્ટિંગ માટે વખણાઈ હતી. જો કે આ શેરલોક હોમ્સ ને બહુ વધારે પડતા પરિચય ની જરૂર નથી, પણ મને ગાય રીચી અને રોબર્ટ ડાઉની જુનીયર ના શેરલોક હોમ્સ માં જે સહુથી વધારે ગમ્યું હતું એ આ નીચે ના સીન માં આવી જાય છે.

હોમ્સ ૩:બેનેડીકટ ક્યુમ્બરબેચ

અત્યાર સુધી ના બનેલા શેરલોક હોમ્સ માનો સહુથી જીનીયસ, અને સહુથી નાટકબાજ હોમ્સ એટલે શેરલોક… જો શેરલોક હોમ્સ અત્યાર ના સમય માં હોત તો એ લંડન, એ કેસ એ પરિસ્થિતિઓ કેવી હોત. અને ટ્વીટર અને ફેસબુક ના જમાના માં જીવતા શેરલોક અને જ્હોન (આખી સીરીઝ માં બધા ને એના નામ થી જ બોલાવે છે, કેમકે વિક્ટોરિયન ઇંગ્લેન્ડ માં બધા ને અટક થી બોલાવતા પણ હવે નામ થી બોલાવવા માં વાંધો નહિ) કેવા હોય એ આ સીરીઝ માં બખૂબી દેખાડેલું છે. જેમકે જ્હોન (વોટ્સન) The Strand મેગેઝીન માં વાર્તા ઓ લખવા ના બદલે પોતાનો બ્લોગ લખે છે. ઉપરાંત શેરલોક ની પણ પોતાની સાઈન્સ ઓફ ડીડકશન નામની વેબ્સાઈટ છે. બધા પાસે લેટેસ્ટ ગેજેટ્સ છે. માયક્રોફટ (હોમ્સ નો મોટો ભાઈ) પોતે સીસીટીવી કેમેરા થી સર્વેલન્સ કરે છે. (બ્રુસ પાર્ટિંગટન) પ્લાન હવે કાગળ ને બદલે પેન ડ્રાઈવ માં છે. અને આ બધી ડીટેઇલ સાથે પણ પ્રોડ્યુસર લોગ એ સર આર્થર કોનન ડોઈલ ની ઘણી બધી વાર્તા ઓ ને સરસ રીતે નવા જમાના માં ઢાળી છે.

આ ઉપરાંત પણ આ સીરીઝ ને યુનિક બનાવવા માં ફાળો છે કાસ્ટિંગ અને લોકો ના સંબંધો નો. જેમકે મીસીસ હડસન બનતા ઉના સ્ટબ્સ બેનેડીકટ ક્યુમ્બરબેચ ને બાળપણ થી ઓળખે છે. ઉપરાંત હોમ્સ ના પેરન્ટસ બનતા એક્ટર્સ રીયલ માં બેનેડીકટ ક્યુમ્બરબેચ ના પેરન્ટસ છે. બેનેડીકટ ક્યુમ્બરબેચ અને માર્ટીન ફ્રીમેન હોબીટ માં અને અલગ અલગ ફિલ્મો માટે માર્વેલ સિનેમેટિક યુનિવર્સ માં પણ સાથે કામ કરી ચુકેલા છે. માર્ટીન ફ્રીમેન ની (એ સમય ની) વાઈફ અમાન્ડા એબીગટન પણ જ્હોન ની વાઈફ મેરી નો રોલ કરે છે. જે આ સીરીઝ ને વધારે યુનિક બનાવે છે..

અને છેલ્લે. ધ મોસ્ટ નાટકબાજ શેરલોક નો એક સીન

Semicolon

bakerstreet.wikia.com – હોમ્સ ના ચાલુ થયેલા પંખા ઓ માટે…. આ ૩ અને એ સિવાય ના બધા જ શેરલોક હોમ્સ વિષે અઢળક માહિતી….

The Indian jam project –  સ્ટાર વોર્સ, પાઈરેટ્સ ઓફ કેરીબીયન, ધ ગેમ ઓફ થ્રોન્સ જેવી જાણીતી સીરીઝ ના એટલા જ જાણીતા સંગીત નું જોરદાર ભારતીયકરણ. એ લોકો એ શેરલોક થીમ મ્યુઝીક નું પણ ભારતીય કરણ કર્યું છે, જેનો વિડીઓ આ રહ્યો…

May the force be with you-episode 7-ટુમોરો નેવર ડાઈસ

શોક લગા? અમને પણ. સ્ટાર વોર્સ સીરીઝ તો પતિ ગઈ હતી ને? જ્યોર્જ લુકાસ એ ચોખ્ખું કહી દીધું હતું કે મારે જે કહેવું હતું એ બધું જ છ ફિલ્મો માં કહેવાઈ ગયું છે અને હવે કોઈ નવી મુવી આવશે નહિ. પણ તોય આ લખાય છે ત્યારે સ્ટાર વોર્સ ના લેટેસ્ટ ઇન્સ્ટોલમેન્ટ “ધ ફોર્સ અવેકન્સ” નો પ્રિવ્યુ શો યોજાઈ ચુક્યો છે અને આ વંચાતું હશે ત્યારે ઘણા લોકોએ આ ફિલ્મ જોઈ પણ લીધી હશે. ભલે જ્યોર્જ લુકાસ નું આમાં કોઈ ઇન્વોલ્વમેન્ટ નથી. તોય આપણને શોક તો લાગે જ ને!! કે એક ફિલ્મમેકર હોવા છતાં ય એ રાજકારણી ની જેમ ફરી ગયો? અને ફરી પાછો એક નવી ફિલ્મ લઇ ને આવે છે!!

લઇ ને આવે જ. કેમકે સ્ટાર વોર્સ ની એ વાર્તા ખાલી એનાકીન સ્કાયવોકર ની જ હતી, અને એના મૃત્યુ સાથે પૂરી થઇ. પણ સ્ટાર વોર્સ ની ગેલેક્સી નો અંત નથી થયો. એ તો હજી ચાલે છે, હજી એમાં કૈક થાય છે. લ્યુક, લિયા, હાન સોલો અને ચ્યુબાકા તો હજી જીવે છે. તો શું એના સાથે બનતી ઘટનાઓ બંધ થઇ ગઈ? ના એ ફિલ્મો માં એની વાર્તા ક્યાય નથી કહેવાઈ, પણ એની પોતાની પણ વાર્તા છે. જે કદાચ કહેવાની બાકી છે. આવું માત્ર સ્ટાર વોર્સ માં જ નથી, એના માનસ ભાઈ એવા હેરી પોટર સાથે પણ આવું થઇ રહ્યું છે. જે કે રોલિંગ એ ખુદ ના પાડ્યા પછી “હેરી પોટર એન્ડ ધ કર્સડ ચાઈલ્ડ” નાં નામે એક નવું નાટક લઇ ને આવે છે. જેમાં હેરી અને એના બાળક સેવેરસ આલ્બસ પોટર ની વાર્તા છે. કેમ? કેમ કે હેરી પોટર ની સીરીઝ હેરી vs લોર્ડ વોલ્ડેમોર્ટ ના જંગ ની હતી. એ સિવાય પણ ઘણું હોઈ શકે છે. જે (અગેઇન) કહેવાનું બાકી છે, અને એ વાર્તા કહેવાની ખજવાળ ખુદ સર્જકો પણ નથી રોકી શક્યા.

પણ વેઇટ! વ્હોટ અબાઉટ એક્સપાંડેડ યુનિવર્સ? એમાં પણ ઘણી બધી વાર્તા ઓ છે. આ જ સીરીઝ ના છેલ્લા એપિસોડ માં જોયું એમ સ્ટાર વોર્સ નું (હવે ભૂતપૂર્વ એવું) એક્સપાંડેડ યુનિવર્સ હજારો વર્ષ કવર કરે છે. અને હેરી પોટર ના પણ ફેન ફિક્શન લખાયા છે. એનું શું? વેલ ઓફિશિયલી કહીએ તો હેરી પોટર તો એક્સ્પાંડ થઇ રહ્યું છે. પણ ડીઝની એ સ્ટાર વોર્સ ના એક્સ્પાંડેડ યુનિવર્સ ને “લેજેન્ડ્સ” ના નામે લગભગ રીટાયર કરી દીધું છે. પણ તોય ફરી ફરી ને એક જ સવાલ થાય છે, (કમર્શિયલ કારણ બાદ કરતા) આ બધું ફરીવાર, પુનર્જીવિત કરવાનો મતલબ શું? આપણી વાર્તા તો પૂરી ના થઇ ગઈ?

[સ્પોઈલર એલર્ટ: આગળ ગમે ત્યાં લખેલું ગમે તે, સ્ટાર વોર્સ કે અહી વાત કરેલી ફિલ્મ જોવાની તમારી મજા બગડી શકે છે. આગળ તમારા જોખમે વધવા વિનંતી]

ના, કથા તો પૂરી નથી થઇ. વેદ ભલે સામાન્ય નોકરિયાત માંથી સ્ટોરી ટેલર થઇ ગયો. તનુ ના મનુ સાથે લગ્ન થઇ ગયા. લોર્ડ વોલ્ડેમોર્ટ બુરે હાલે મર્યો. ગોથામ માં શાંતિ થઇ ગઈ અને બ્રુસ વેઇન ઇટલી માં આરામ કરે છે. પણ આ તો એક ઘટના પૂરી થઇ. એ લોકો ના જીવન નહિ. અને આ એક ઘટના એની સાથે સંકળાયેલા કેટલા ય લોકો ના જીવન માં જબરી ઉથલ પાથલ કરતી ગઈ હશે. જસ્ટ વિચારો શું થતું હશે લ્યુક સાથે જયારે એને ખબર પડી જાય કે મેઈન વિલન લોર્ડ વેડર જ એનો બાપ છે? લોકો શું વિચારતા હશે, કે આપણા હીરો નો બાપ જ મેઈન વિલન હશે? હાન સોલો માટે પછી ની જીન્દગી કેવી હશે? એક ચીલાચાલુ સ્મગલર અચાનક જ બળવાખોરો સાથે જોડાય છે અને અચાનક જ એક સુંદર રાજકુમારી સાથે લગ્ન કરી લે છે અને આખી ગેલેક્સી માટે લડતો જનરલ બની જાય છે, આ સફર કેવી હશે એના માટે?

કે શું આવડું મોટું અને ક્રૂર એમ્પાયર મુઠ્ઠી ભર બળવાખોરો એને બે બે વાર હરાવી જાય એ સહન કરી લેતું હશે? શું પોતાના પાપ નું બીલ એ રીબેલ્સ ના નામે નહિ ફાડે? અને રહી સહી બધી તાકાત એ રીબેલ્સ ના ખાત્મા માટે નહિ લગાડે? લગાડશે જ!! એમાં વર્ષો વિતી શકે, હીરોઝ ની પેઢી ઓ બદલાઈ શકે, આવડી મોટી ગેલેક્સી ઉપર કબજો મેળવવા રીબેલ્સ અને એમ્પાયર વચ્ચે જંગ પણ ખેલાઈ શકે. અને આ આસપાસ ફોર્સ એનું કામ કરવાનું ચૂકતી જ નથી, સીથ અને જેડ્ડાઈ નું બેલેન્સ હજી નથી આવ્યું, એક જેડ્ડાઈ નામે લ્યુક સ્કાય્વોકર હજી જીવે છે. એને ખતમ કરવા એક સીથ ને તો આવવું જ પડે.લ્યુક ને હેરાન કરવો પડે, એને ચેલેન્જ કરવી પડે. આ બધા વિષે, નવી પેઢી ના હીરોઝ વિષે કોઈ વાર્તા તો હશે જ.

युद्धस्य कथा: रम्या: પણ યુદ્ધ પછી પણ કૈક હોય છે. જે સિતમખોર રાજા કે સામ્રાજ્ય ને હરાવ્યા હોય એના સિતમ હજી પુરા નથી થયા. પ્રજા માટે તો ખાલી રાજા જ બદલાય છે. એક પાપ ને સહન કરતા કરતા અને એની સામે લડતા લડતા કદાચ લોકો એનાથી પણ વધારે પાપી બની જાય છે. અને પછી એજ જુના ખેલ નવા નામે કરે છે. આવી બધી છાપ ભૂંસવી પણ પડે, એનાથી સારા પણ થવું પડે. અને જો એ ના થયું તો ફરી એક બળવો. બીજું એક યુદ્ધ અને હજી નવી સિકવલ.

આને આ યુદ્ધ માં જે લડ્યા હોય એ પોતે (કદાચ ફિઝીકલી) અને ઈમોશનલી એવા નિચોવાઈ ગયા હોય છે કે કદાચ એ સ્વસ્થ રીતે યુદ્ધ ની ફર્સ્ટ હેન્ડ કથા કહી જ ન શકે. એ પોતે જે કઈ કહે એ લોકો સાચું ન જ માને, ઉપર થી કોઈ ની સારા તરીકે ની છાપ કે કોઈ ની ખરાબ તરીકે ની છાપ એટલી વચ્ચે આવે કે આ વાત મારા તમારા સુધી પહોચતા મારી મસાલા વગર ના સાદા સલાડ નું મિક્સ ઊંધિયું થઇ જાય. કોઈ અમેરિકન સૈનિક હિટલર ના સારા વર્તાવ ની વાત કરે તો મારી તમારી સામાન્ય પ્રજા આ વાત માને? પણ જો એ એમ કહે કે હિટલર એ પેલા સૈનિક ની ૩ દિવસ પૂછ પરછ કરી તો એ વાત મારા તમારા સુધી પહોચતા પહોચતા ૪૦ દિવસ નું ટોર્ચરસ કડક ઈંટરોગેશન થઇ જાય. અને એના જ બેઇઝ પર “I will finish what you have started” ની માળા જપતા કાય્લો રેન ઉભા થઇ જાય. ઉપર ની વાતો અને આ બધુજ બની શકે. અને આ વાર્તા કહેવા માટે એક ફિલ્મ તો શું. કદાચ આખી ટ્રાઈલોજી પણ ટુકી પડે.

kyloRen

Kylo Ren-Latest Star Wars villain

અને એટલે જ કહેવાયું છે કે ટુમોરો નેવર ડાઈસ. એક વાર્તા અને એનો સમય પુરા થાય છે. સમય તો ચાલતો જ રહે છે. નવી વાર્તા ઓ બનાવતો જ રહે છે. કે (જેમ્સ બોન્ડ ની સાથે થયું એમ) સમય ફૂલ સર્કલ ફરી ને ફરી એ જ વાર્તા નવા સ્વરૂપ માં કહેતો રહે છે. અને આપણને પણ યાદ દેવરાવતો રહે છે કે never stop, keep moving forward. કેમકે કશું પૂરું નથી થતું, બસ થોડા લાંબા કે ટૂંકા બ્રેક્સ હોય છે. સો એન્જોય ધ લાઈફ, એન્જોય ક્રિસમસ મુવીઝ એન્ડ મે ધ ફોર્સ બી વિથ યુ…….. એન્ડ ફ્રોમ અ ફેન. વેલકમ બેક સ્ટાર વોર્સ.

સેમીકોલોન

google.com/starwars તમારા ગૂગલ એક્સપીરીયન્સ ને સ્ટાર વોર્સ સાથે જોડો. લાઈટ સાઈડ કે ડાર્ક સાઈડ પસંદ કરો અને જુઓ તમારા ગૂગલ મેપ્સ, યુ ટ્યુબ, જી મેઈલ વગેરે તમારી ચોઈસ પ્રમાણે કેવી રીતે બદલાય છે… (માત્ર ડેસ્કટોપ માટે, મોબાઈલ માં ઘણું બધું નહિ આવે)

 

%d bloggers like this: