ગૂગલ અને નવી પ્રાઈવસી પોલીસી…..Things you need to know

ફ્રેન્ડસ, ગૂગલ એ એક માર્ચ થી નવી પ્રાઈવસી પોલીસી દાખલ કરી છે. જેમાં જૂની પ્રાઈવસી પોલીસી કરતા ઘણા મોટા અને મહત્વ ના બદલાવ છે. આ પ્રાઈવસી પોલીસી હવે તમારા “ગૂગલ એક્સપીરીયન્સ” નો જ એક ભાગ છે, જો કે આ પ્રાઈવસી પોલીસી વિષે લખવા માટે લગભગ એક મહિના નું મોડું, એ ટેક વર્લ્ડ ના રીત રીવાજ તરીકે ઘણું મોડું કહી શકાય, પણ હજી ય એટલું મોડું નથી થયું… તો ચાલો FAQ ના સ્વરૂપ માં જાણી લઈએ ગૂગલ ની નવી પ્રાઈવસી પોલીસી વિષે.

Image Courtesy: Google Image Search

૧. શું છે આ ગૂગલ ની નવી પ્રાઈવસી પોલીસી માં?


ગૂગલ માં પહેલા બધી જ સર્વિસ માં એક સાથે એક જ લોગ-ઈન થતું ન હતું, જો તમે એક સર્વિસ (જીમેઈલ) માં લોગ-ઈન હો તો બીજી સર્વિસ (ગૂગલ ટ્રાન્સલેટ) માં તમે આપોઆપ લોગ ઇન થતા ન હતા, એજ યુઝર આઈડી-પાસવર્ડ થી તમે બીજી બધી જ સર્વિસ માં લોગ-ઈન થઇ શકતા પણ દર વખતે તમારે લોગ-ઇન નું બટન દબાવવું પડતું અથવા તમારે તમારા યુઝર આઈડી- પાસવર્ડ (જેને આપણે ક્રેડેન્શીયલ તરીકે ઓળખશું) આપવા પડતા. હવે તમે એક સર્વિસ માં લોગ-ઇન થશો એટલે આપોઆપ બીજી સર્વિસ માં પણ લોગ-ઇન થઇ જશો.
આના પર થી ગૂગલ તમે એની જે-તે સર્વિસ નો કઈ રીતે ઉપયોગ કરો છો એનો ડેટા કલેક્ટ કરશે અને એનો ઉપયોગ કરશે.

૨. કલેક્ટ કરાયેલા ડેટા નો શું ઉપયોગ થશે?

ગૂગલે આના બે ઉપયોગ વિચારેલા છે. ૧, તમને પર્સ્નલાઈઝ્ડ સર્વિસ આપવાનું અને ૨. ટાર્ગેટેડ એડ પૂરી પાડવાનું.
૧. પર્સનલાઈઝ્ડ સર્વિસ એટલે કે જે તે સર્વિસ તમારા પ્રમાણે આપી શકાય તે, જેમકે ટેબ્લેટ શબ્દ એક જ છે, પણ એનો અર્થ તમે મેડીસીન રીલેટેડ સર્ચ કરો છો કે ટેક રીલેટેડ એના પર વધારે આધારિત છે. ગૂગલ આજ કાલ શબ્દ ટાઈપ કરો એટલે તરત સર્ચ રીઝલ્ટ આપે છે. હવે ઉપર ના કેસ માં તમે ટેબ્લેટ ટાઈપ કરો એટલે ગૂગલ ટેબ્લેટ માટે ના સર્ચ રીઝલ્ટ આપે, જેમાં આઈ-પેડ પણ હોય, આકાશ પણ હોય અને સ્ટોપેક પણ હોય, હવે તમે શું ટાઈપ કરો છો એના પર થી સહુથી ઉપર આવતી લિંક બદલાય, જેમકે એપ્પલ ટાઈપ કરો એટલે આઈ-પેડ ની લિંક સહુથી પહેલા આવે, અને હેડેક (headache) ટાઈપ કરો તો સ્ટોપેક ની લિંક પહેલા આવે. એટલે હવે તમે ફરીવાર ટેબ્લેટ વિષે સર્ચ કરશો ત્યારે પહેલેથી જ નક્કી થઇ જશે કે પ્રેફરન્સ આઈ-પેડ ને આપવો કે સ્ટોપેક ને.🙂

૨. ટાર્ગેટેડ એડ: તમારા અને તમારા બીજા એક મિત્ર ના લગ્ન સાથે જ છે (એક બીજા સાથે નહિ હો!!😛 ) તમે બંને કપલ હનીમૂન માટે મનીલા અથવા પેરીસ જવું એ બાબતે ડિસ્કશન કરો છો. અને આ ડિસ્કશન જી ટોક પર થઇ રહી છે. હવે તમે ચેટ કરતા હો ત્યારે હોટેલ, મનીલા, પેરીસ, ટ્રાવેલ ઓર્ગેનાઈઝર જેવા શબ્દો નો ઉપયોગ કરવાના! ગૂગલ આ શબ્દો નો ઉપયોગ કરી જ્યાં શક્ય હશે ત્યાં બધેજ એ મનીલા ના અથવા પેરીસ ના લોકલ બીઝનેસ ની, હોટેલ ની કે મનીલા કે પેરીસ સાથે જોડાયેલા ટ્રાવેલ ઓર્ગેનાઈઝર, એરલાઈન્સ વગેરે ની જાહેરાતો બતાવવા માંડશે. આ કહેવાય ટાર્ગેટેડ એડ, તમને જે વસ્તુ ની જરૂર છે એ વિષે અથવા તમે જે કર્યું એ વિષે એડ બતાવવા માંડે.

3. તો એના થી મને શું ફાયદો?

એક ફાયદો તો અમે તમને બતાવ્યો, ઉપર ના હનીમૂન વાળા કેસ ની જેમ તમે કઈ પણ પ્લાન કરો છો કે તરત જ ગૂગલ એના જામી ગયેલા એડ નેટવર્ક માંથી યોગ્ય એડ દેખાડશે, ઉપરાંત એડ દેખાડવા માટે તમારા બીઝનેસ, તમારું લોકેશન, તમારું જેન્ડર (અને જેન્ડર પ્રેફરન્સ પણ :P) જેવા અનેક ડેટા ગૂગલ લઇ શકે છે. આ ઉપરાંત એની બીજી સર્વિસ, જેમ કે તમે મહારાષ્ટ્ર માં રહો છો અને ગુજરાતી બોલી જાણો છો તો તમારી હેલ્પ માટે મરાઠી, અંગ્રેજી અને ગુજરાતી ટ્રાન્સલેશન સર્વિસ આપ મેળે ઓપ્શન માં મૂકી શકે. ટુકમાં તમે કોણ છો અને શું કરો છો એ તમારા ડેટા પર થી જાણી તમને જ મદદ કરશે.

4. ગૂગલ આ બધા ડેટા કઈ રીતે લે છે?

કૂકીઝ ની મદદ થી: આ થયો ટેકનોલોજીકલ જવાબ.
હવે જોઈએ સિમ્પલ જવાબ, તમારું વેબ-બ્રાઉઝીંગ ઝડપી થાય એટલે લગભગ બધી જ સાઈટ કેટલીક માહિતી બ્રાઉઝર માં સ્ટોર કરી રાખે છે અને ફરીવાર તમે જયારે એ સાઈટ પર જાઓ ત્યારે એ માહિતી સર્વર પાસેથી માંગી અને એ માહિતી પાછી આવે એની રાહ જોયા વગર સીધી તમારા કમ્પ્યુટર માં સ્ટોર કરેલી માહિતી નો જ ઉપયોગ કરી લે. હવે આમાં કેટલીક માહિતી આપોઆપ સ્ટોર થાય છે, કેટલીક માહિતી આપણે આપીએ છીએ અને કેટલીક માહિતી એક વત્તા એક બરાબર બે કરી ને આપણી જાણ બહાર સ્ટોર કરવા માં આવે છે, જે આપણી જાણ બહાર સર્વર સુધી પહોચી પણ જાય છે.

હવે જયારે આપણે ગૂગલ ની કોઈ સર્વિસ માં લોગ ઇન કરીએ છીએ એટલે ગૂગલ વાળા આપણા બ્રાઉઝર માં એક કૂકી બનાવી દે છે. હવે આ કૂકી માં આપણા ક્રેડેન્શીયલ આવી જાય છે, ત્યાર બાદ જ્યાં સુધી એ ટેબ ખુલ્લી રહે ત્યાં સુધી બ્રાઉઝર ની બીજી બધી ટેબ માંથી એ બેઝીક ડેટા લેતું જાય છે, વત્તા ગૂગલ ની કોઈ પણ સર્વિસ માંથી આપેલી કોઈ લિંક આપણે ખોલીએ એટલે એ લિંક વિષે બધો ડેટા એ કુકી માં સ્ટોર થઇ જાય છે. એટલે કે ગૂગલ ની ટેબ ખુલ્લી રાખી ને આપણે બહાર જે કઈ કરીએ છીએ, ચાહે રાસ લીલા હોય કે રસ લીલા, ગૂગલ બધું જ જાણે છે.

5. તો આનાથી મને ગેરફાયદો શું?
ચાલો એ માટે એક ઓર કેસ હાથમાં લઈએ: (વોર્નિંગ: ૧. સુજ્ઞ ભક્તજનો ની ધાર્મિક લાગણી દુભાઈ શકે છે. ૨.મહિલા મંડળ માટે: આ કેસ માં તમે તમારી રીતે ફેરફાર કરી ને વાંચશો એવી આશા,  વોર્નિંગ પૂરી) ધારો કે તમે અને અમારા ભાભી બંને બેડરૂમ માં એકલા છો, તમે લેપટોપ પર એક કામ ના મેઈલ નો રીપ્લાય આપી રહ્યા છે અને અમારા ભાભી બાજુ માં બેઠા બેઠા કૈક કામ કરે છે, અચાનક ભાભી ની નજર તમારા સ્ક્રીન પર જાય છે અને જી-મેઈલ માં એડ આવે કે: gift  her a sexy lingerie.

અને પછી?? વિચારો. અમારા ભાભી શું વિચારે??

સીધી વાત છે કે એ તો એમ જ વિચારે કે તમે કોઈ ચીકની ચમેલી માટે કંઈક લીધું છે અથવા તમે પોર્ન જુઓ છો. ઓબવિયસલી એક સામાન્ય ભારતીય મહિલા આ વાત ને સીધે સીધી બરદાસ્ત ન જ કરે અને પછી શરુ થઇ જાય ઝઘડા……..

હવે જાઓ થોડા ફ્લેશબેક માં: માત્ર ૧૫ દિવસ પહેલા. જયારે તમે ભાભી ને એ લોન્જરી ગીફ્ટ માં આપી હતી, તમે ઓનલાઈન શોપિંગ કર્યું હતું અને તેનો કન્ફર્મેશન મેઈલ તમારા જીમેઇલ પર આવ્યો હતો…. અધૂરામાં પૂરું આ પેમેન્ટ તમારા ક્રેડીટ કાર્ડ માંથી થયું હતું…..

હવે? ઝઘડા થવાનો કોઈ ચાનસ ખરો? (જવાબ: નહિ, જવાબ પૂરો) [Thanks Bhums for providing me female perspective for the point.]

મોરલ ઓફ ધ સ્ટોરી : જો તમે સીધા ના રહો તો ગૂગલ તમારા કાળા કામ રેકોર્ડ કરી શકે છે અને એક્સીડન્ટલી તમને એક્સપોઝ પણ કરી શકે છે.

6.મારે જાણવું હોય કે ગૂગલ મારી વિષે શું જાણે છે તો કોઈ રસ્તો છે?

છે જ ને! નસીબ જોગે એક નહિ બે રસ્તા છે. એક છે ગૂગલ ડેશબોર્ડ(લિંક ખોલશો એટલે તમારું ડેશબોર્ડ દેખાશે જો તમે ઓલરેડી ગૂગલ માં લોગ ઇન હો તો) અહિયાં ગૂગલ ની જે સર્વિસ તમે વાપરો છો એ બધી સર્વિસ ના તમે કઈ રીતે વાપરો છો એ બધી માહિતી એમાં હશે, જેમકે તમે છેલ્લે સર્ચ કઈ કરી હતી. તમારા મેઈલ બોક્ષ માં કેટલા અને કયા પ્રકાર ના મેઈલ પડ્યા છે. તમે કોની સાથે ચેટ કરો છો, કોની સાથે ફ્રીક્વન્ટલી કરો છો વગેરે વગેરે…. મેઈન પેજ પર એનો સાર  હશે અને જે તે લિંક ખોલશો એટલે તમને વિસ્તાર થી ડેટા બતાવશે. જો કે ગૂગલ ની પ્રાઈવસી પોલીસી બધે સરખી જ છે. પણ જો કોઈ ખાસ પ્રોડક્ટ ની પોલીસી માં કોઈ ચેન્જ હશે તો એની લિંક જમણી તરફ દેખાશે.
માર્ગ ૨: ગૂગલ એકાઉન્ટ એક્ટીવીટી, આ સર્વિસ ડેશબોર્ડ ની સરખામણી એ નવી જ છે, (મહિનો ય નથી થયો). પણ આ સર્વિસ તમારા એકાઉન્ટ ની એક્ટીવીટી રેકોર્ડ કરે છે અને એનો એક રીપોર્ટ બનાવે છે. ડેશબોર્ડ અને એકાઉન્ટ એક્ટીવીટી માં ફરક એટલો જ છે કે ડેશબોર્ડ બધીજ માહિતી નો સાર આપે છે અને એકાઉન્ટ એક્ટીવીટી તમારી તાજી માહિતી નો વિસ્તાર થી રીપોર્ટ આપે છે.

નેસ્ક્ટ ઇન ધ સીરીઝ: જનરલ ગૂગલ એક્સપીરીયન્સ અને ગૂગલ ઇનસાઇડ+ગૂગલ થી તમારો ડેટા કેમ સાચવવો😉

સેમીકોલોન: રીટર્ન ઓફ ધ મ્યુઝીક સજેશન

૧. જીયા લાગે ના(કોક સ્ટુડિયો સીઝન ૧)- શંકર મહાદેવન, શ્રુતિ પાઠક: ફાસ્ટ બીટ પર સંભાળવું ગમે એવું ગીત.
૨. બિહુ નામ પાક(કોક સ્ટુડિયો સીઝન ૧) -(લગભગ) પાપોન: એક પણ શબ્દ સમજાશે નહિ, પણ ગીત ની મસ્તી માણવા જેવી છે.
૩. ડ્યુઅલ ઓફ ફેટ્સ(સ્ટાર વોર્સ – પ્રિકવલ ટ્રાઇલોજી)- જોહન વિલિયમ્સ : વેલ્શ કવિતા નું સંસ્કૃત માં ભાષાંતર કરી અને શબ્દો ને યુદ્ધ ના સીન માં બેકગ્રાઉન્ડ માં મૂકી ને કમાલ કરી છે.
૪. માસ્કડ બોલ(આઈઝ વાઈડ શટ): સ્ટેન્લી ક્યુબ્રીકે એક ચર્ચ ની પ્રાર્થના ને ઉંધી વગાડી અને પાછળ થી સંસ્કૃત શ્લોક મુક્યા છે…. શયતાન નું સંગીત
૫. નાઉ વી આર ફ્રી(ગ્લેડીએટર)- હાન્સ ઝીમર નું સંગીત અને લીસા જેરર્ડ નો અવાજ: સોંગ ઓફ અલ્ટીમેટ હોપ….

Leave a comment

8 Comments

  1. Great!
    So simple to understand with example.
    sharing this..
    wait for the next post.

    Reply
  2. ઉપયોગી માહિતી .. આભાર.

    Reply
  3. ૧. બે ઇમેલ્સ રાખવા, જેથી ફિમેલ્સ ટેન્શન ના લે.
    ૨. આવી ખરીદી ઓફલાઇન કરવી.
    ૩. પ્રાઇવેટ બ્રાઉઝિંગ જ વાપરવું.
    ૪. એવું હોય તો ક્રોમમાં બે પ્રોફાઇલ વાપરી શકાય.
    ૫. નક્કામી હિસ્ટરી ડિલિટ કરતાં રહેવું.
    ૬. જ્યારે કામ કરતાં હોવ ત્યારે બાજુમાં કોઇને રાખવા નહી.
    ૭. આવાં કામ રાત્રે જ કરવાં😉
    (PS: સલાહ છે, બધાં જ સૂચનો સેલ્ફ-એક્સપેરિએન્સ નથી ;))

    Reply
    • આવું બધું આપડા જેવા ને પોહાય… આ તો જનહિત માં જારી વાળો લેખ છે.
      (PS: સલાહ છે, બધાં જ સૂચનો સેલ્ફ-એક્સપેરિએન્સ નથી😉
      :તો સેલ્ફ એક્સપીરીયન્સ થાય એની રાહ જોઈએ છીએ… 😛 )

      Reply
  1. ગૂગલ અને નવી પ્રાઈવસી પોલીસી…..More things you need to know « Mount Meghdoot

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: