નફરત સામે લડત: કૃષ્ણ-ઇસુના માર્ગે

કેવું લાગે જયારે તમે કોઈ સાચી વસ્તુ કહો અને જગત આખું તમારું સાંભળવા જ તૈયાર ન હોય તો? કેવું ફીલ થાય જયારે તમે કશુક ખોટું જુઓ અને તોય તમારે તમારી વાત કહેવા માટે તમારો અવાજ દબાવી દેવો પડે? જાત અને જગત અલગ અલગ કહે ત્યારે સાચું કોનું માનવું એવા પ્રશ્નો થાય ત્યારે સત્યની ચોઈસ કેમની કરવી? કેવું લાગે કે ખુલ્લેઆમ બદમાશી કરતા અને દંભી મુખોટા પહેરેલા તેમજ કહેવાતા ‘ધર્મના રખેવાળો’ તમને સાચું કહેવા બદલ ચામડીના સાતેય પડ ઉતરડાઈ જાય એટલો માર ખાવા મજબુર કરે?જીવતાજીવત તમને હાથે-પગે ખીલ્લાઓ મારે અને જાહેર જનતાના પ્રદર્શને મુકે? દોસ્ત, આ કહ્યા એટલા તમામ પ્રશ્નો માત્ર પ્રશ્નો નથી, એક ભૂલાઈ ગયેલા અને ખોટા સમજવામાં આવેલા મહાપુરુષ ‘ઈસુ’ની લાઈફના લાઈવ પ્રસંગો છે.
વર્ષોથી સનાતન નિયમ ચાલ્યો આવે છે કે નફરતને પ્રેમથી જ જીતી શકાય છે. નફરતનો જવાબ નફરત નથી. તમે જેમ પોતાને ચાહો એમ જ જગને ચાહી શકો ત્યારે કશુક મેજીકલ મેળવી શકાય છે. જરૂરી નથી કે એ મોનેટરી ફાયદો જ હોય. આજના આ યુગમાં સંબંધો જીતવા એ પણ ટેક્ટીકલ ફાયદો જ છે,નહિ?😉 સત્યને ફોલો કરવું એટલું સહેલું નથી. એમાંય જયારે તમારી જાત કસોટીએ ચડે છે ત્યારે અંદરથી હલી જવાય એટલું દર્દ પેદા થાય છે. ઘુટન બહાર ન આવે એવી પરિસ્થિતિમાં પણ સત્યને જલતું રાખવા જાતને પૂળો ચાંપવો પડે છે. એ ચાંપ્યા પછી સદાબહાર રોશની પેદા થાય છે અને ત્યારે જગતને નુર-ઉન-અલ્લાહ દેખાય છે. દરેક ધર્મોના મહાપુરુષો કોઈને કોઈ વીજળીના ચમકારાની વાત કરે છે. વીજળીના ચમકારે કોઈ પાનબાઈ મોતીડા પરોવે છે તો નુર-ઉન-અલ્લાહ એમ.એફ.હુસૈનના કેનવાસ પર પથરાતી જોવા મળે છે. રાસલીલા અને લીલારાસ વચ્ચેનો ડીફરન્સ એક વીજળીના ચમકારા કે કેમેરાની ફ્લેશ જેટલો હોય છે. ઈસુ ભગવાન હતા કે માણસ હતા એ વિવાદ બાજુ પર રાખીને મેઈન તત્વ પકડીએ તો કદાચ એમના વિચારોને વધુ સારી રીતે સમજી શકાય. સાઈબાબાનું ક્યારેક ન સમજાય એવું વર્તન ભવિષ્યના ઘટનાક્રમના પૂર્વાભાસને દર્શાવતું હતું. ડીટ્ટો ઈસુ. અડધી રાતે પીટરને ઉઠાડીને ઈસુ કહે છે કે સમય આવી પહોચ્યો છે, દગો થયો છે.પીટરને ન જ સમજાય આ વર્તન કેમકે થોડે દુર ત્યાં જયુડાસ ત્રીસ ચાંદીના સિક્કાના બદલામાં ઈસુનું લોકેશન કહી દે છે. તેમ છતાય દગાની ફીલીંગ સાથે સત્યને વળગી રહેવું એ દિલ મજબુત હોય તો જ થઇ શકે.  ટીમ અન્નામાં માનસિક ટકરાવને લીધે કેજરીવાલ અને અન્ના વચ્ચેની ખાઈ વધી રહી હોવા છતાંય કેજરીવાલ અને અન્નાની મંઝીલ એક છે. અને એટલે જ આપણે એ યુગમાં જન્મ્યા ન હોવા છતાંય સુભાષ બાબુ અને ગાંધીજીના મતભેદો સમજી શકીએ છીએ. ફિલ્મ ‘દા વિન્ચી કોડ’માં ડો.રોબર્ટ લેન્ગ્ડન બહુ સરસ વાત કરે છે-“ ઈસુ સામાન્ય હતા કે અસામાન્ય,મુદ્દો એ નથી.પરંતુ હું નાનો હતો ત્યારે એક કુવામાં પડી ગયેલો.કઈ જ દેખાતું નહોતું ત્યારે મેં ઈસુને મદદ માટે પોકાર કરેલો. કોઈ અદ્રશ્ય શક્તિએ ત્યારે મારી હિંમત વધારેલી.” જેબ્બાત..ઈસુને માનવ કરતા સુપરમાનવ બનાવનાર ચીજ છે પ્યોરીટી અને પ્રેમ, ફરગીવનેસ અને ફર્મનેસ. હેરી પોટર લોર્ડવોલ્ડેમોર્ટ કરતા ઓછો શક્તિશાળી હોવા છતાંય કેમ જીતે છે? કેમકે એને એની મમ્મીના અનકન્ડીશનલ લવની એવરગ્રીન ગીફ્ટ મળી છે જે એનું અદ્રશ્ય રક્ષાકવચ બની રહે છે.

કોઈ પણ માણસ આજે સ્થાપિત મૂલ્યોને ચેલેન્જ કરે ત્યારે બહુજન સમાજ એને પાગલમાં જ ખપાવી દે છે.પછી એ ઈસુ હોય, રામકૃષ્ણ પરમહંસ હોય કે પછી જૈનાચાર્ય રામવિજયજી હોય. ‘ધ લાસ્ટ ટેમ્પટેશન ઓફ ક્રાઈસ્ટ’માં ઈસુને ત્રણ પ્રલોભન મળે છે. પહેલું પોતાની જાતનું,બીજું પોતાના દિલનું અને ત્રીજું ફ્લેમ ઓફ ગોડનું. અગ્નિનો ગુણધર્મ એ યથાતથ બજાવે છે. એતો માણસે દીધેલા એના અલગ અલગ નામ છે. શમ્આ, હિરણ્ય, યજ્ઞેશ(યજ્ઞના ઈશ્વર)…વગેરે.પણ આમાં મૂળ અગ્નિ બદલાતું નથી,ખાલી એના માણસે જોયેલા અલગ અલગ સ્વરૂપો બદલાતા રહે છે. એ જ રીતે માણસ પણ અગ્નિ સ્વરૂપ છે. પોતાની જાત આગળ માણસ વધુ વખત જુઠ બોલી શકતો નથી,બોલી શકવાનો નથી. ત્રીજું બેરીયર દિલનું છે. ઋજુ લાગણીઓ, સુંવાળી સંવેદનાઓ અને મહોબ્બત-નફરતના જન્મસ્થાન એવા આ દિલમાં પેલા સાક્ષાત્કારની સીધી અસર થાય છે અને ફીલીંગ ઓફ લાઈટનીંગ માણસને બાઘો કરી મુકે છે. પ્રેમ એટલે જ પ્રભુનો સાક્ષાત્કાર. એમાં કોઈ જીવનસાથી નજર સામે આવે છે ને ચુટકી બજાકે પેલા ચમકારાની અસર થાય છે. જો તમે પ્રભુને ન ગણતા હો તોય આ વસ્તુ તો ક્યારેક ને ક્યારેક અનુભવી જ હશે. ત્યાં પણ પ્રભુની,પરમપીતાની કૃપાદ્રષ્ટિ તો  છે જ. ‘ધ લાસ્ટ ટેમ્પટેશન ઓફ ક્રાઈસ્ટ’ ના ઈસુ ઉત્તરાર્ધમાં સામાન્ય માનવ તરીકે કૃસીફાઈ થઈને ક્રુસ પર ચડેલા હોવા છતાંય વિચારે છે અને ભગવદગીતાનો ‘બધું નાશવંત છે, કોઈ આપણી સાથે કાયમ રહેવાનું નથી’નો સિદ્ધાંત ઈસુને તંદ્રાવસ્થામાં ક્લિક થાય છે અને એમને પ્રભુના આ વિશાળ સામ્રાજ્ય અને દિવ્યતાનો અનુભવ થાય છે. બીજી બાજુ, ‘પેશન ઓફ ક્રાઈસ્ટ’ ના ઈસુ લોકોની આંખો ઉઘાડવા માટે કૃષ્ણમાર્ગ વાપરે છે. પીડાનો અને પ્રેમનો. પહેલી નજરે કૃષ્ણની પીડા જલ્દી દેખાતી નથી અને ઈસુની દેખાય છે એ તાત્વિક રીતે સાબિત કરી શકાય છે. પરંતુ, કૃષ્ણ-ઈસુની પીડા એકસરખી છે. એમની પીડા માણસના એના જ ધર્મ પ્રત્યેની ઘોર બેદરકારીની પીડા હતી. ઘના જંગલમાં ભટકી ગયેલા મુસાફિરનાં હાથમાં બેટરી છે પણ ઓછી રેન્જના લીધે એને બહુ દુર સુધી દેખાતું નથી.બીજી બાજુ આ મહાપુરુષો છે જેમને જંગલમાં એક વીજળીનો ચમકારો દેખાયો અને છેટે રહેલું જળાશય એ ચમકારાના અજવાળે દેખાઈ ગયેલું છે. પરંતુ એઓ જે કહેતા રહ્યા છે એ બેટરીવાળાને ક્યાંથી સમજાય? બસ આ બેટરીવાળા એટલે આપણે સહુ.

કૃષ્ણ માર્ગ લોજીકથી અટપટો લાગે છે પણ શ્રદ્ધાથી સમજી શકાય છે.ડીટ્ટો ઈસુ માર્ગ. 1o Commandments ને આમ જુઓ તો સમજવા સહેલા છે, પરંતુ રીયલ લાઈફમાં ઈમ્પ્લીમેન્ટ કરો ત્યારે નેવાના પાણી મોભે ચડી જવા આવે છે. એવે વખતે પણ શ્રદ્ધાનું એલીમેન્ટ કોમન રહે છે. કૃષ્ણ અને ઇસુમાં જબરજસ્ત સામ્યતા જોવા મળે છે. બેયનો જન્મ સાવ ગરીબાઈમાં થયો, બેય પોતાના સમયથી હજી આગળ રહ્યા હોવાના પુરાવાઓ છે,સાબિતીઓ છે અને વિચારો તો અફકોર્સ, છે જ. બેય એ મુખ્ય ધારાને ખુલ્લેઆમ ચેલેન્જ કરી અને સમાજ એમને સમજવાના બદલે એમના ચમત્કારોથી જ અંજાયેલો રહ્યો. કૃષ્ણ ફાઈટિંગની વાતો કરે છે, અને જરૂર પડે ઉપ્પાડીને દઈ પણ દે છે. ડીટ્ટો ઈસુ. જે મંદિરનું પતન એમણે પોતાના મૃત્યુ પછી ભાખેલું, એ જ મંદિરમાં લોકોને લીડ કરીને પહેલો પત્થર મારવામાં પોતે મોખરે રહ્યા. મેરી મેગ્ડેલીનને બચાવવા પોતે પથ્થરો ખાઈને ‘વીરતા કોઈની બુરી ઈમેજથી ઉશ્કેરાઈને એને ખત્મ કરવામાં નથી,એના વિચારોને ખત્મ કરવામાં છે’ વાળો કૃષ્ણછાપ પ્રિન્સીપલ અજાણતા જ નિભાવે છે. સાચી વસ્તુ માટે સ્ટેન્ડ લેવામાં ગમે તે પરિણામ ભોગવવું પડે, ભોગવી લેવાની દ્રઢતા બેયમાં એકસમાન જોવા મળે છે. બેય પ્રેમને પ્રભુ સુધી પહોચવાનો શ્રેષ્ઠતમ માર્ગ ગણાવે છે. જરા આ વાક્ય વાંચો- ‘જો તમે કોઈને પ્રેમ કરો છો ત્યારે તમે મને પણ પ્રેમ કરો જ છો,મારી સુધી પહોંચો જ છો.’ આ વાક્ય કૃષ્ણે નહિ, ઈસુએ કહેલું છે. પોતાની નજર સામે પોતાની ત્વચાના ચિંથરા ઉડે એ હદે કોરડા ઝીલતા રહેવા અને એ છતાંય મારનાર માટે પ્રાર્થના કરવી એ જ ઈસુને ‘ઇસુ’માંથી ઈશ્વરીય બનાવે છે. ‘પોતાનું કામ મહેનતથી કરશો તો સુખ અને સમૃદ્ધિ મળશે’ આવું કૃષ્ણ-ઈસુ બેય ભારપૂર્વક કહી ચુક્યા છે. કાંટાળો તાજ ખાલી ઈસુને નથી પહેરાવવામાં આવેલો, કૃષ્ણે પહેર્યો છે,પયગમ્બરે પહેર્યો છે, મોઝિસે પણ સહન કર્યો  છે. પરંતુ આપણા સમાજને ખાલી ‘મારો લાલો-મારો કનૈયો, યા હુસૈન યા હુસૈન’ જ બોલતા આવડ્યું છે.

વિશ્વના બે સાવ અલગ ધર્મોના સૌથી પાવરફુલ પુરુષો એક જ વિચારને, એક જ વાતને અને એક જ મંઝીલને રોજ જોતા રહ્યા. પોતે જોયેલી ગર્દિશના રસ્તા પર ચાલવાની સદાબહાર તરસ-તડપને. એ આશાએ જીવ્યા-મર્યા કે ક્યારેક આ તલાશ પૂરી થશે ને માણસ સુખી થશે, યુદ્ધો-શસ્ત્રો-મડદા-ખુન-વિજય ત્યજીને,પ્રેમ કરીને, પ્રેમ પામીને,પ્રભુને પામીને…આમેન…

પાપીની કાગવાણી:

અને જો કોઈ માણસ મારા શબ્દો સાંભળશે અને વિશ્વાસ નહિ કરે તો હું એનો ન્યાય તોળવા બેસીશ નહિ.હું આ પૃથ્વી પર ન્યાય તોળવા આવ્યો નથી, પણ આ પૃથ્વીને બચાવવા આવ્યો છું.

બાઈબલ : સેઇન્ટ જ્હોન : 12:47

 

Leave a comment

6 Comments

  1. The Lord is always been guide, but only the man like Shree Arjun(In Mahabhart) is hardly to understand the real truth by the effort of Shree Krishna.

    Reply
  2. FIRST CLASS…………MY BEST WISHES WITH U!!!!!!!!!!!

    Reply
  3. ઈસુ એને કૃષ્ણ…વાહ ભાઈ વાહ
    ખરેખર ખુબજ અદભુત લખેલું છે
    સરુઆત માં તો બધાજ માનવજ હોય છે
    પણ જ્યાં એક જંકસન માં બધી ગાડી એક તરફ જાય છે ત્યાં આ લોકો નવોજ માર્ગ બનાવે છે
    એને ફોટા માટે..ડબલ થંભસ અપ

    Reply
  4. tejal

     /  January 9, 2012

    there is a new vision in this writing ,,which surly needs appriciation …gud luck with it…:)

    Reply
  5. i am not too connected to god, but i guess slowly and steadily u r draging me to!
    🙂

    awesome read🙂

    Reply
  6. ગાંડા…પોસ્ટ નો ફોટો જોતા જ દિલ ખુશ થયી જાય..!
    લાજવાબ…!🙂

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: